البحث

دور جواك على صورة قديمة

دور يمكن تلاقى تاريخك او حياتك

دور وقولى شوفت ايه؟؟

شوفت ناس ماتوا من زمان

ولا ناس جواك لسه عايشين

ولا حقيقه....

مش لقيها فى البنادمين

دور على صورتك وانت صغير

ودقق قوى فى ملامحك

وقارن... وقولى الفرق

قولى انك اتغيرت من جواك قبل براك

قولى انكسرت ولا لسه على رجلك واقف

بتعاند؟؟

طيب ورينى بتعاند مين؟

ولا فين ولا ليه بتعاند

لسه جوا جيبك صور كتيرة

شوف كدا وقولى

بس ياريت بالحقيقة تقولى

وماتسالنيش عن رأيى

لانه مش هيعجبك

شوف كدا وفرجنى

دلوقتى عمرى قد عمرك

طيب قولى عملت ايه؟

شايفك عمال تدور جوا نفسك

وبتسالها عملت ايه؟؟

مش هجوبك وعايزك

تعر فها لوحدك

طيب اقولك.. قرب من المريا

واسمعها ..هتقولك حكايه

عن واحد كان هنا من كام سنه فاتوا

اقف والمس باديك كل تفصيله فى ملامحك

اقف وافتكر ايام المدرسه وتسريحه شعرك

افتكرت؟؟!!!

خلاص ماتعيطش هسيبك يمكن تقدر تتغير

بس قبل ماسيبك اوعدنى انك هتقدر

ولو اتغيرت

انا مش هخرج تانى ولا هتسمعلى صوووت

وهفضل جواك

بس اوعى تفتكر

ان ضميرك مات

مارس 2008

القرار

فشل فى ان يعرف السبب..
ربما لانه تجاهل امرين
الاول ان الله اراد ذلك له
والثانى استعجاله الربح
ادار وجهه الينا مبتسما ولكنها لم تكن ابتسامته العادية التى نعرفها وقال فى ادب جم:
اجتمعتم الان لكى تعرفوا سبب وجودكم هنا
رد اخر عليه: دائما تاتى الينا بالمفاجات
قال: قررت ان اتنحنى نهائيا عن اى دورا فى الحياة
نظروا الى بعض فى ذهول
ولكن ايقن اقربهم اليه من مفهوم الجملة وعرف ماذا يقصد
وفى اليوم التالى جاء اسمه بالخط العريض ومن تحته صورته فى الصفحة قبل الاخيرة فى الاهرام

مكالمة

كانت منتصف الليل تردد كثيرا قبل ان يهاتفها على تليفونها المحمول جاء صوتها هادئ ثابتا مزيج بين الصحيان والنعاس اخذهما الحديث قليلا ثم فاجئها قائلا:
اقسم لكى ان الشيطان الان يجرى فى عروقى.....

مين؟؟

الرجاء الضغط على الصورة

الخروج

اخرج من دايرة الحزن والاكتأب

وافتح قلبك للدنيا ميه الف بــــاب

واياك تسيب نفسك لموج البحر ياخدك

تغرق..او تتوه وسط عتمت طريق ضباب

3/2010

ومازال البحث

أوقات بحتاج الهروب

من باب واسع كبير

او من خرم ابره ممكن

وبتضيع اوقات كتير

قدام بيبان متقفله

بسالك..

بقالى كام سنه

بين الورقة والقلم حيران

مهو باب من البيبان

ممكن اطير بين السطور وافكر

ويمكن اطير بين الحروف واعبر

او يمكن استنى نزول دموعى

حتى دى ولا عليها بقدر

انا يمكن فرحتى وضحكتى هم سر وجودى

بس فى سر اكبر

ومازال البحث جارى

أبريل 2010

جوانيات-1

عندما قالى لى: تعبت من عرض الحائط الذى اقف امامه لكى احركه افكر كل يوم ماذا اصنع لغدا لاتعتقد اننى اتكلم عن غدا اى اليوم القادم لا بل اتكلم عند 10 أعوام قادمة افكر فى خطتى المستقبليه ارى النجوم فى السماء مصابيح رائعه فافكر لماذا لم استطع ان اصل اليها ..ها انا ذا اتحدث بكل ثقة وحماس ولكن لماذا هذا الحديد الذى يسلسل قدمى ..تعرف كلما صادفنى افيش فيلم عصافير النيل اترك كل الافيش واقف اتامل تلك الحمامة التى تسلسل اقدمها بقيود قدت من حديد ..واتامل نفسى وانا مثلها ..نعم افكر جيدا راسما بحروف صنعتها خبرتى كاتبا بها خطتى القادمة..لاتنظر لى هكذا ارتدى حذائى وانت تعرف كيف اسير فى طريقى..انا اعرف انك تتحدث بداخلك وتقول لماذا انت هكذا تستعجل الحياه؟..تعالى معى واحسبها جيدا لوادركت الحقيقى مثلما ادركها لعلمت اننى انا الصواب.

ثم جاء ردى:

انا شوفت نجمه فى السما فى عز سواد الليل

حاولت كتير اطير امسكها لكن مافيش بديل

بكيت فى حضن الليل ودموعى غرقانه فى احضانه

ابتسم الليل وقالى سيبها يمكن تكون لك فى يوم دليل

المكان

فى مكان جوا منى

مسئول عن مكان

مش محددله زمان

ولا عارف اوصفه

وفى مكان مسئول عن كل دا

وانا تايهه مابين دا ودا

وعلى الرغم من كله دا

انا مش قلقان

وواثق هحركه

لو تعرفنى اسألنى

وانا جايز اجاوبك

ايه هو المكان اللى مسئول عن مكان؟

ويبعتلى الف اشارة كلام

ارمى سلام ...

للناس الكويسه

انا كل يوم بخبط ببان

جوا منى يمكن الاقينى

لسه فى نقطة مش واضحة المعالم جواه

انا هقف قدام الناس

اقول بيان

و النقطة ليها يوم وهتخرج

من جوا ومش هتبان

وخروجها هيكون بقرار

انا لسه رسملك يا مكان

طريق ابيض ومش الوان

وهرسملك طريق وخريطة

كبيرة وبعرض الحيطة

ومكانك سهل المنال

بين ضلوعى ع الشمال

ابريل 2010

الصدفة

الصدفة

عارفها الصدفة؟

فاكراها؟؟

فاكرة اليوم اللى شفتك فيه

وعنيا جت عليكى

ماكنتيش انتى عارفه

كنت بعيد عن مكانك

الصدفه..عارفاهاا؟؟

طب فاكراها؟؟

فاكرة لما كنت معدى قدامك

وحكالك...

الوسيط اللى مابينا عنى

قالك اعرفه بس مش فاكر اسمه ايه؟

سالتيه بتخمن مين؟؟

قالك يا محمد يا حسين

قولتيله قول محمد

نادى على أسمى

بصتلك..

اتكهرب جسمى

وضحكلى وسلم عليا

حضنته وعينك فى عنيا

مهى برضه صدفه

عارفها الصدفه؟؟

حاولت اتكلم معاكى كتير

وخجلى...

خلانى ماتكلمش

بس عارفه...

انا شفتك فى خيالى زمان

ورسمتك صورة بالوان

بس الحق يتقال

فى الحقيقة انتى..

أية فى الجمال

كان نفسى يومها اعترفلك

ماتستغربيش...
اعترفك انى..

بحبك

وكتب ربنا علينا نكون مع بعض

اسعد اتنين على وجه الارض

بس المكتوب هو مكتوب ومعروف

وافترقنا.......

ودلوقتى وبعد سنين

كل يوم مستنى

صدفه اشوفك فيها

وزى مانا عارف

لازم تبقى عارفه

انى فى يوم هشوفك

صدفه
يناير2010

الجزء اللى مكتوب بالاحمر حصل بعد لما كتبت القصيده دى بشهرين او بالظبط من اسبوعين

وكل اللى عملت انى مشيت ومابصتش ورايا وهى برضة كدا اتقابلنا بصينا لبعض وسلام من بعيد وبس

ع الورق

ضعتى خلاص مابين الحبر والورق

خدوكى كلاب السكك وقالوها ع الملأ

وقالوا خلاص كل عربى قلبه تاااه

وانا قلبى عشانك جوا منى اتحرق

يا رخيص

ياللى تبيع بالرخيص وتملى الجيب والفم

اياك تبكى دموع وتقول دا زاد الهم

أنت اللى سبت كلاب السكك ينهشوك ياكلوك

واللى تسيبه يبرطع عمره مافيوم يتلم

ايه اكتر حاجه ممكن تدخل القلب بسرعه؟؟

هديه يكون الواحد بيفكر فيها واللى بيحبك يجبهاله

حد يسال عليك من غير لما يكون عايز حاجه معينه

مشهد رومانسى تحسه قوى

جمله ترجعك 10 سنين لورا

صورة عليها تراب وتشوف نفسك فيها وانت صغير جنب ناس راحوا من الدنيا او ماشفتهمش بقالك كتير
واخيرا..........

كلمه بحبـــــــــــــــــــــــــــك

أستغفار

أستغفرت ربى رب السموات والارض

وقولت هابعد عن ذنوبى بالطول والعرض

صليت كتير ودعيت من كل قلبى

انا وراك ياشيطان لاحد ماحيلك يتهد

اعتزار لابد منه:
انا اسف جدااا يا جماعة انى ماكنتش برد على تعليقاتكم البوست اللى فات كان عندى ظروف فى الشغل فاكنت مشغووول جداا

الباب الزجاجى

نهض هذا اليوم من سريرة ونظر من الشرفه على الشارع الذى يسكن فيه وتذكر ايام الطفولة واللعب مع اصدقائه الذين تفرقوا منذ زمن طويل ...
ذهب الى المطبخ واعد وجبه افطار واستعد ليوم شاق وطويل يبدا من الساعة الثامنة ,عليه الوصول الى العمل فى وقته لانه لايحتاج ان يخصم من مرتبك شيئا لانه قليل.
استقل الميكروباص الاجرة الذى يذهب بيه الى اقرب محطه مترو وصعد سلم المترو بعد ان اشترى تذكرة .. فى اثناء صعوده الى الرصيف من خلال السلم الكهربائى كان قطار المترو يهم بالذهاب من المحطه ونظر اليه وهنا التقطت عيناه بيها وهى داخل العربه ووجها اليه من خلال الباب الزجاجى نظرة اليه ونظر اليها ومر القطار والعربه ثم جلس على احدى مقاعد الرصيف واخذ يفكر هل هى؟؟

الجبل

ياااه لو يرجع بيا الزمن وياخدنى ابويا فى حضنه

أضحك وأبكى أفرح وأجرى ولحضنى اضمه

ولا حس بالجبل اللى فوق كتافى حمله زايد

ولا ييجى عليا اليوم وأفكر فى بكرا وهمه

شخصية

انا وقت وعدى بسرعه

انا ساعه فوق الحيطة

انا دقة قلب فى قلبك

انا صرخه فى وسط الظيطه

انا سقفه جوه المسرح

او ضحكة قلب عميقه

انا دمعه طفل صغير

انا واحد عمره قصير

من ديوان (سجارة فرط) قريبا

سكــــين

سكين الغدر ضربنى فى ضهري قسمنى اتنين

وقفت لوحدى فى عرض طريق اقول انا فين

مالقيت لا صديق ولا قريب ولا حبيب

بأديه يشيل الدمع مغرق سايل ع الخدين

متاهه

حوارى وبيوت وشوارع ومتاهة

واشخاص ووشوش فى السكة تلقاها

عايش موجود مبسوط وحزين.

دانا اللى جوا منى كل دا وزيادة

غنــــاوى

سالونى عن قلبى قولتهم هاوى

طيب والحب؟؟ قولتلهم ناوى

بس مين يستاهل....

انى فى حبه اقول غناوى

منامك

هو انا لو زورتك فى منامك ابقى معاك؟؟

ولو يوم شفتنى قدامك تقول انا هواك؟؟

دا انا قلب اتمنى فى يوم قربك

وهفضل سنين كدا على بابك استناك

وجه القمر

ذات يوم كنت اقف فى شرفة غرفتى ورأيت ذلك الرجل الطاعن فى السن يقف خلف شباكة الزجاجى ينتظر شيئا ما سوف يحدث.. كنت اتأمل فى الليل من شرفتى وبالمصادفة جاء خيال الرجل كخيال ظل كان القمر بدر فأنار المكان من حولى وظهر ظل الرجل رايته يمسح وجهة وزراعة ثم اختفى.
فجاة تذكرت السيد احمد عبد الجواد البطل الشهر لسلسلة الاستاذ نجيب محفوظ الثلاثية (بين القصرين- وقصر الشوق- السكرية) أحيانا ارفض هذه الشخصية وفى وقت اخر اجدها ق تعود على مجتمعنا بالنفع من الناحية الايجابية من حيث الصرامة والشدة ولكنه كان بوجهين خارج البيت فهو الرجل اللعوب الذى يسعى خلف الراقصات لقضاء أوقات الليل فى اللاذات والمرح وفى بيتة شديد الصرامة مع زوجتة وأولاده ..فقد استطاع استاذنا الاديب نجيب محفوظ ان يعكس جزء من المجتمع المصرى فى ذلك الوقت.

عندما قرر هذا الشاب صديقى ان يتقدم لخطبت فتاة كان يعرفها من قبل ولكن تلك المعرفة تحتاج لوقت والى علاقة واضحة وصريحة وصحيحة لكى تتم وتكون معرفة مكتمله.
جميع من حولة اكدوا له انها الفتاه الثالية التى سوف تصونة وتحفظة وبالفعل كانت.. وبدأ الاقتراب منها أكثر وتمت الخطبة فى جو من الحب والاتفاق.
وعندما حضرت احدى اقاربه وهى سيدة كبيرة فى السن فى العقد الخامس وذادت ثلاثة سنين قالت له انها فتاة جميلة ومهذبة ماشاء الله!!
وصلت علاقتهما ببعض على النحو الذى قد يجعلهما أسعد اثنين فى الوجود وبدأ يحلم معاها وتحلم معه وبدأت الايام تأتى بثمارها وبدا يكتشف انها هيكل من الخارج ليست اكثر بدات تظهر على حقيقتها وعرف انها مجرد مانيكان فى الفاترينة لاتخشى الله ولا ترعى حق الارتباط بينهم كاذبة خادعة تتلون بمئة الف لون فى الدقيقة تخدع من هم اقرب الناس اليها .
أخذ يفكر كثيرا حتى يأخذ القرار الصحيح وحتى لايشعر انه قد ظلمها حتى شعرت بذلك وعرفت انه لن يقبلها زوجة رضيت ان تقف فى موقف المتفرج تنتظر حتى ياتى اليها بكلمة النهاية وتسدل الستار على هذه القصة.
وعندما سالته السيده التى فى العقد الخامس لماذا تم الانفصال كانت لاتتخيل فى يوم من الايام انها سوف تكون كذلك وقالت:ياخسارة كانت مثل وجه القمر ..لقد خدعنا المظهر .
نعم ياسيدتى لقد خدعنا المظهر فقد كنتم تقولون فيها شعرا ونثرا وهو الان قد اكتشف ماهى الحقيقة.

وقفت فى تلك الليلة فى شرفتى وعينى صوب وجه القمر وتذكرت هذة القصة وتذكرت تفاصيلها حتى قاطع تفكيرى صوت اذان الفجر نظرة الى الشارع رأيت ذلك الرجل الطاعن فى السن ذاهبا الى المسجد!!

محمد فؤاد عيسى
31/12/2009

براح

الآه لو قولتها ببقى مرتاح

واحس ان الكون دا كله براح

وشوف حاجات كتير حلوة فى حياتى

اصل الآلم دا باب والآه مفتاح

ليسوا منا

عندما كنت فى المرحلة الثانوية كان يجلس بجوارى زميلى يدعى(رائد) كان قريب منى وكنا نلعب سويا وناكل سويا ونتحدث سويا ..اتذكر انه فى يوم من الايام خاطبنى على اساس اننى مسلم وغير من معاملته معى ولا انا كنت لة بالمثل وكان يقول لى(مش عارف ليه يا محمد مش بحس انك بتعملنى على انى مسيحى) .
ماذا حدث فى ارض مصر المحروسة؟؟؟ ماذا حدث لابنا الوطن الواحد؟؟؟؟ يحدث ذلك فى يوم مثل هذا؟؟؟
وقفت مع نفسى أتسال ماذا سوف كان يحدث لو كان حدث العكس؟؟؟؟ خرجت مع والدى من الجامع بعد صلاة العيد ووجت ثلاثة مسيحين مسجلين خطر يطلقون النار على المصلين؟؟؟ هكذا اصبحت مصر بلد الامن والامان ؟؟؟؟
شاب افتعل فعلته مع فتاه مسلمة وهو مسيحى لماذا يقتل ناس ابرياء؟؟ هل هذة هى تعاليم الرسول صلى الله علية وسلم لنا؟؟ الرسول الذى قابل اساءة اليهودى بالسؤال عليه يوم ان مرض ..لماذا نضع انفسنا داخل هذا الاطار ونسمح للغرب بان يطلقوا علينا اننا نقابل الديانات الاخرى بالدم؟؟؟
اقول ومن هنا ومن موضع قلمى اننى ارفض تمااام ما حدث فى نجع حمادى وكل مسلم يدين بالديانة الاسلامية الصحيحة وتعاليم الرسول صلى الله عليه وسلم يرفض ما حدث فى نجع حماى انهم قتلة لا يعرفون الله ولا يعرفون تعاليم الدين وانهم يسيئون الى دين الله والى الاسلام
اود ان اقول الى كل مصرى قبطى هؤلاء لا ينتمون الى الدين الاسلامى فهم مسلمون فى البطاقة انهم اشخاص لايعرفون الله ولايعرفون شيئا عن دينهم اننى حزين على كل هذا واقول لهم انهو ليسوا منا.

رسالة انتظار

تتلعثم منى الكلمات حين اقف لكى اصفك..وحين اتذكرك فابمجرد دخولك الى عالم خيالى اقف..أذكر وصفك الى أعز اصدقائى أشعر برعشة داخلية واقف.. انتى يامن امتلكتى قلبى وعقلى ووجدانى..اعلم انك لست اجمل الفتيات وليس جمالك مثل جمال مارلين مونرو ولكنى اراكى اجمل نساء الدنيا...
عندما تضحكين أشعر بنسمات الربيع تداعب الجو فى مجلسى فتجعل مواقيد الشموع تتراقص حين اذن افرح لضحك..اخد الكون بين يدى واغنى نغما..الابتسامة فى قاموسك تعد اسمى الكلمات التى قد تعبر عنك فهى مفتاح كل شئ ومفتاح قلبى .. تلك الغمازتين التى خلقها الله على وجنتيكى يجعلونى اتامل قدرة الخالق فى ابداعاتة..أسمعك حين تنطقين حروف اسمى بين شفتيك فتكتب اسمى بحروف من اللؤلؤ ....
ترفعين رأسك الى السماء عاليا فى وضح النهارتسكن اشاعة الشمس عيناكى فتجعلهما قطعة كرستال نادرة الوجود.
اقولها بصوت عالى...انا هنا فى اتنظارك
انا هنا بين يديكى اقف طفلا عابثا
اقف ومها طال الانتظار
ومهما طال الشوق اليكى
اعرف انك وسط جموع النساء موجوده تنتظرينى.. وانا بالمثل انتظرك ....
اغمضى عيناكى معى فى نفس الوقت..فانا الان اراكى..فهل انتى كذلك؟؟!!

عمود نور2 (اللى مش شايف يروح)

- المرأة هي اكبر مغارة عرفها التاريخ

- أحببت الحياة فلم تستطيع أن تكون لي الحبيبة.. أحببت الحبيبة فلم تستطيع أن تكون لي الحياة...

أحببت نفسي فافتقدت الحياة والحبيبة

- الحب لا يعرف طريقا ولا يعرف وقتا ولا مكانا ولكنه يعرف شئ واحد...هو باب قلبك

- بداخلى الكثير من الطرق.. اختارى واحد ا منها.. لو كان صحيح.. سوف تجدينى فى انتظارك

- التغير هي النقطة التي يرى فيها الناس بعكس الماضي