الجمعة، 28 مايو، 2010

الخروج



اخرج من دايرة الحزن والاكتأب


وافتح قلبك للدنيا ميه الف بــــاب


واياك تسيب نفسك لموج البحر ياخدك


تغرق..او تتوه وسط عتمت طريق ضباب

3/2010


هناك 19 تعليقًا:

samy يقول...

محمد ازيك

على فكرة دة حقيقى انت لمست حاجات كانت ولا تزال بتمر بي اليومين دول

انا خرجت من الدايرة دى
ومسبتش نفسى لموج بحر الحزن يخدنى

تسلم ايدك

شكرا

لـــولا وزهـــراء يقول...

محمد

محتاجه اخرج منها بجد

وحشتنى ووحشنى كلامك
دمت بكل خير

زهــــراء

ساسو يقول...

الله يا محمد
كلماتك بساطتها رقيقه
بجد احساسك حلو أوي
ومدونتك بجد عجباني جدا جدا جدا
لك باقه ورود

صيدلانيه طالعه نازله يقول...

كلنا محتاجين نخرج من دوامه الحزن
لانها قربت تبلعنا فى وسطها
و تغرقنا معاها

ياريت لو عرفت تخرج تبقى تقولنا خرجت ازاى
ربنا معاك و معانا

محمد فؤاد (صاحب عمود النور) يقول...

Samy...
انا تمااام وانت؟
انت صح انك قدرت تخرج وبجد ربنا يحميك ومعاك ومترجعش تانى

بس فى سؤال دايما بساله لنفسى
ليه شاب فى العشرينات يوصل لمرحلة الاكتاب؟؟؟؟
ياريت الاقى اجابة

محمد فؤاد (صاحب عمود النور) يقول...

زهراء..

ربنا يبعد عنك اى اكتاب او اى مرض يارب
اخرجى وباديك انتى تخرجى دايما حطى فى دماغك انك عايزة تعملى اى حاجه والانسان قادر
دمتى بخير

محمد فؤاد (صاحب عمود النور) يقول...

ساسو..

ميرسى لكلامك الجميل دا ربنا يعزك
انا مبسوط ان المدونة عجبتك ويارب اشوفك هنا دايما

محمد فؤاد (صاحب عمود النور) يقول...

صيدلانيه طالعه نازله يقول...

رغم انى الحمد لله مش مكتأب لكن اقدر اقول لحضرتك انك ممكن تخرجى لما تبقى انتى عايزة تخررجى منها
التقرب من الله والثقة فيه احد اهم الابواب بل هو الباب الاول

ثانيا: حضرتك حاولى تغير روتين الحياة اليومى

samy يقول...

محمد

بص يا سيدى شباب العشرينات غلط خالص
انة يوصل لأكتئاب

لانة لسة فى البداية لسة قدامة فرص فمتضيعهاش

انا الفترة اللى بقلك عليها لأنى انا دخلت التلاتين و مستفدتش من فترة العشرينات

مش بكلم بس على الماديات لا على كل حاجة


لو بتحب مضيعهوش اوعى
ولو ضاع احترم ضياعة

وابدء من تانى صحيح صعب بس لسة عندك وقت مضيعهوش

مش عارف انا يمكن مجوبتش بس شرحت حاجات ممكن جايز تفيد

شكرا محمد

محمد عبدالرحمن شحاته يقول...

ما اجمل الدعوة للخروج الى المطلق والامل الذل لاحد له

تسلم يامحمد

ghada mOhsen يقول...

كلامك ده محتاجه كل كبير وصغير ... خاصه بعد كل إللي بيصير حوالينا ده ...

بس بجد ربنا يبعدنا عن الإكتئاب لحسن دي دوامه صعبه شوي

ربنا يسعدك يارب
ويسلموا

... ;) ,,, ;) ...

gehad mousa يقول...

حاجات حقيقيه بجد
سلمت اناملك
ولكن ليس هناك بحر حزن وبحر فرح او بحر غدار وخائن ولان هذه الصفات من صفات البشر فقط البحر ان كان غدارا لكان باح باسرار كثيرة لكل شخص فمن منا لم يذهب ووقف امام البحر واباح له بسر لطالما خاف من البوح به لاحد

مرة اخرى سلمت اناملك الرائعه والمدونه رائعه فعلا وننتظر المزيد فلا تحرمنا
وعذرا للاطاله gehad mousa

لـــولا وزهـــراء يقول...

" ازيك ياجهين ياصغير ..فيا الخير عشان بسأل ...حلو قوووووووي الابيات دي لانك بتكلم فؤاد قدام مراية بس ياريت تنفذ مش كلام وخلاااصربنا يسعد قلبك بكل خيييير هما اربع ابيات لكن بمقام مليون سطر ..الصورة تحفة قوي انسان في الظلمة رغم ان الشمس طالعة فاضله بس انه يشوف ان الشمس طالعة وميشوفش انه في الضالمة .. مش ملاحظ ان كلمة ابواب اتكررت في اعمالك كتير؟ انت محتاج باب مش للخروج لأ للدخول للنور

هو انا لازم امضي ؟!!!!
طب لاما اشوف هتقول مين

youssef يقول...

انت جميل

اسعدني مروري بمدونتك

اليك تحية

غير معرف يقول...

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

Ramy يقول...

ازيك يا محمد

نورتنى فى المدونة انا رامى اللى كنت سامى
اول تعليق فاكر (:(:

بس عاوز اقولك حاجة مدونة ولد وبنت مش بتاعتى

شكرا لتشريفك ليا

بس انت عرفت أزاى (:(:

و لا قلب لبمؤمن دليله (:(:

blackshwak يقول...

الـعـالـم يـتـحـول لـلإسلام

صمت المشاعر يقول...

جميله جدا كلماتك
دمت بخير

Noha Saleh يقول...

كلمات قليلة لكنها حقيقية جدا
بجد مدونة رائعة