الأربعاء، 13 يناير، 2010

ليسوا منا


عندما كنت فى المرحلة الثانوية كان يجلس بجوارى زميلى يدعى(رائد) كان قريب منى وكنا نلعب سويا وناكل سويا ونتحدث سويا ..اتذكر انه فى يوم من الايام خاطبنى على اساس اننى مسلم وغير من معاملته معى ولا انا كنت لة بالمثل وكان يقول لى(مش عارف ليه يا محمد مش بحس انك بتعملنى على انى مسيحى) .
ماذا حدث فى ارض مصر المحروسة؟؟؟ ماذا حدث لابنا الوطن الواحد؟؟؟؟ يحدث ذلك فى يوم مثل هذا؟؟؟
وقفت مع نفسى أتسال ماذا سوف كان يحدث لو كان حدث العكس؟؟؟؟ خرجت مع والدى من الجامع بعد صلاة العيد ووجت ثلاثة مسيحين مسجلين خطر يطلقون النار على المصلين؟؟؟ هكذا اصبحت مصر بلد الامن والامان ؟؟؟؟
شاب افتعل فعلته مع فتاه مسلمة وهو مسيحى لماذا يقتل ناس ابرياء؟؟ هل هذة هى تعاليم الرسول صلى الله علية وسلم لنا؟؟ الرسول الذى قابل اساءة اليهودى بالسؤال عليه يوم ان مرض ..لماذا نضع انفسنا داخل هذا الاطار ونسمح للغرب بان يطلقوا علينا اننا نقابل الديانات الاخرى بالدم؟؟؟
اقول ومن هنا ومن موضع قلمى اننى ارفض تمااام ما حدث فى نجع حمادى وكل مسلم يدين بالديانة الاسلامية الصحيحة وتعاليم الرسول صلى الله عليه وسلم يرفض ما حدث فى نجع حماى انهم قتلة لا يعرفون الله ولا يعرفون تعاليم الدين وانهم يسيئون الى دين الله والى الاسلام
اود ان اقول الى كل مصرى قبطى هؤلاء لا ينتمون الى الدين الاسلامى فهم مسلمون فى البطاقة انهم اشخاص لايعرفون الله ولايعرفون شيئا عن دينهم اننى حزين على كل هذا واقول لهم انهو ليسوا منا.


هناك 20 تعليقًا:

غير معرف يقول...

انا معاك في الكلام الجامد ده انت مشكلة يا ابني تحفة الكلام الجامد ده اوي

غير معرف يقول...

انت المفروض تكتب في مجلة معروفة او جريدة معروفة برضوا علشان كلامك لازم الناس كلها تقراه خسارة ان صوتك ميباش مسموع للناس كلها

دينا قنديل

May يقول...

howa el 7assal da maloush ay 3elaka bel mawdou3 el tany da bas anyway

HOMMA LAYSOU MENNA

menna = MASRYYN ayan kanet dyanethom ba2a aw 7atta law kan la denyyn aslan

May يقول...

howa post gamil gidan bas kan mehtag 7ettet 3omk so3’antata l2en fekrak aslan 7elw awy f yeb2a 7elw law estafadt f shar7oh aktar w zay ma katabetlak dina kandeel lazem tekteb f magalla walla gornal walla haga keda
Btw el youm el sabe3 (www.youm7.com) 3andaha el option dy, u can just send them ay makala 3ayez tenazzelha w homma beyonshorouha 3al site fe3lan

عمــود نــور يقول...

مى...
ليسوا منا هنا المقصود بيها ليسوا من المسلمين لان تعاليم الدين الاسلامى وما جاء به رسول الله محمد بيقول كدا.
بس عايز اعرف عمق من انهى نوع؟؟؟ هل تقصدى انى اهاجم اكتر اللى عملوا كدا ولا اقول ان الموضوع له ابعاد سياسية,؟؟
انا كتبت الموضوع دا لانى مصرى مسلم ولانى رافض تمااام اللى حصل وبجد دمى محروق وانا واثق تماااام ان المسلمين جميعا رافضين دا تمااااااااااام .

May يقول...

lalalalalalaala 7'ales
mesh asdy keda 7'ales

asdy 3omk el masha3er el fel awel
bos ya mohamed, kolleina 3arfeen en el 7assal da maloush ay da3wa bel eslam 7'ales w dy haga mesh me7taga 7ad yewadda7ha
wala ehna (el masryyn fel motlak) me7tageen l ay edana lelly 7assal l2en ay BANY ADAM TABEE3Y fel donya lazem hayodeen en AY BANY ADMEEN taneen yet2etlo

el 3omk el ana bakallem 3ano howa 3omk el fekra el fel awel 7'ales, ennina toul 3omrena 3aysheen ma3 ba3d 7elween w mafeesh ay mashakel mn ay no3

w FAG2A mesh 3arfa eih el 7assal (mesh el 7adsa dy ba2a) bas hagat tanya keteer fel motlak w mel ganebein

law zay ma enta olt keda, kol wa7ed y7ot nafso makan el tany abl ma yetsarraf ay tasarrof aw y2oul ay kelma akid el 7ayah kanet hateb2a a7la mn keda b keteer

ennama edana w shagb w tawdee7 en da maloush da3wa bel islam dy hagat ma3roufa w mesh me7taga estefada

el me7tag 3omk w estefada heya EL MASHA3ER EL IGABEYA mesh el salbeya

عمــود نــور يقول...

مى...
انا كنت لسه بتكلم مع واحده وميلتى مصرية مسيحية بقولها ان لو اتعمل هنا فى القاهرة عزاء فى اى كنيسة انا هروح العزاء دا وهقدم التعازى لكل مصرى مسيحى بنفسى لغاية بابا الكنيسة نفسه.

اقدر اقول انى فهمت عمق المشاعر اللى تقصدى عليه وتاكدى ان كل مصرى مسلم رافض تماااام ما حدث وانا هبعتلك لينك لليوم السابع واقرى التعليقات اللى علية من المصرين المسلمين
http://www.youm7.com/News.asp?NewsID=175427&

May يقول...

sadda2ny sadda2ny sadda2ny ma7addesh 7'ales me7tag eno y2oul en el moslemeen medday2een l2en

sadda2ny mesh momken ay 7ad yekoun beyfakkar bel taree2a dy

bel 3aks ba2a
el mafroud en EL NAS KOLLAHA teb2a medday2a 3ashan NAS et2atalet 3'adr keda

el nas fel motlak yeb2o meday2een 3ashan nas fel motlak
ma balak ba2a lamma yekounou kaman mn nafs genseyethom! ya3ny law f france nas ra7et atalet nas tanya fag2a keda hanez3al kolleina hanez3al gidan (kolleina = bany admeen) w law ba2a feeha masryyn ehna k masryyn hanedaye2 aktar kaman

wel daleel 3ala keda en ay mosiba bete7sal f ay dawla fel 3alam w yet2al 3adad el esabat aw el wafeyat w yerou7ou ayleen w mafeesh ay masryyn aw masalan feeh wa7ed masry mosab, w tab3an mesh bey2oulou sa3etha el masry da moslem walla massee7y leih???????0
l2eno b basata heya mesh far2a, aho wa7ed taba3y, mn nafs gensy (bany adam) w kaman nafs balady w 7'alas

wel massee7yyn sa3etha bedawaro 3ala kam masry fel 7adsa mesh kam fransawy masalan 3ashan homma masse7yyn zayena

lamma benel3ab kora wel monta7'ab kollo moslemeen mesh benshagga3 cote d'ivoir masalan 3ashan homma masse7yyn NOOOOOOOOOO benshagga3 MASR l2en MASR betel3ab, la3eeba MASRYYN mesh la3eeba moslemeen

heya dy el mabad2 en nefsy tet3ammak, welly yekteb ay haga yekkallem f da

w da el 3omk el kont bakkallem 3aleih, el fekra el enta 3amelha f awel el post 7'ales el heya el ana bakkallem feeh da

ya rab akoun 3ereft awassal weghet nazary

أم .. بوبه يقول...

فعلا عندك كل الحق .. وانا متأكدة كمان إن الفكرة بعيدة عن مشكلة الدين أو العقيدة هى بسبب مشاكل أخرى بس المشكلة إن المنطقة دى محظورة ومش بيبقالها تفسير عند الناس غير تفسير واحد بس

والمسلمين بيحصل بينهم وبين بعض فى الصعيد أحيانا أكتر من كدة

الفكرة فكرة بلد ومعتقدات خاصة بيهم .. مظنش فكرة تعصب دينى

عمــود نــور يقول...

مى....
مهو انا عرضت فكرت اننا مصرين فى اول البوست تمااام لكن انا حبيت ادخل جوا الموضوع اكتر و ارد على اللى بيتقال والهجوم اللى ممكن يكون حصل على المسلمين

اللى كتابته دليل قوى ان المصرى مصرى مش شرط دينه ايه

لولا وزهراء يقول...

محمد
تسلم الايادى يارب
والله معاك حق فى كل حرف انتى قولته حتى كلامك اللى مش كتبته باين من بين سطورك
عارف المشكله فين ان فى ناس مسلمين ومسيحين مش فاهمين الدين صح
يعنى فى ناس بتاخد الدين بالمظهر مش بالجوهر لو حد بس من الناس دى فتح المصحف وشاف ربنا سبحانه جل فى علاه قال ايه فيما معنا طبعا علشان للاسف مش حافظه الايه ان اقرب ناس لنا هما الذين قالوا انا نصارى
ربنا يرحمنا بجد
طوووووول عمرنا واحنا اخوات وماحدش بيعرف مين المسلم من المسيحى غيره يمكن من اعيادهم لكن اللى بيحصل دلوقتى ده ترتيب اكبر مننا كلنا وفى الاخر اللى بيدفع التمن ناس مش لها اى علاقه بالموضوع .....
بارك الله فيك وربنا يحفظك


زهراء

norahaty يقول...

فى رأيى هى مشكلة
الثأر فى الصعيد
وكل الافكار اللى
بتتبعه لكن الموضوع
حصل بين مسلمين ومسيحين
فطبعاً فرصة(للأشرار) انهم
يتدخلوا ويعملوها (طائفية)!

norahaty يقول...

بس حارجع واقولك
اللى ايده فى الميه
مش زى اللى ايده
فى النار بمعنى اهل
البنت كانوا فى نار
من اللى حصل لبنتهم
وكذلك أهل السبعة اللى
اتقتلوا يعنى دوامة من الدم
مالها أخر!

norahaty يقول...

كلمة أخيرة أقولها
عن السبب فى كل دا
الغضب الغضب الغضب!

الشعب لابد له من حكومه تشكمه يقول...

ولسه اصبر شويه.
هموت واعرف من الغبى اللى عمل ده وايه هدفه؟
اصل الاشكال اللى قبضوا عليها مش مناضلين يعنى..
لو الواحد يفهم فى ايه ؟ هيرتاح بس ادينا بنتفرج.
اصبررررررررررر
الطعامه بتبان اخرها الوصايه على مصر..

عمــود نــور يقول...

أم بوبه....
انا موافقك فى الرأى وكلامك صح وانا خايف من الممكن يحصل بعد كدا وربنا بجد يستر

عمــود نــور يقول...

لولا وزهرا...
دا ترتيب على كبير وعلى كبيييير قوى هما عايزين يكسروا شوكة مصر باى شكل معرفش مولد ابو حصيرة وبعد كدا حادثة نجع حمادى انا مش فاهم هي اخرتها ايه؟

عمــود نــور يقول...

norahaty....
ثأر اية يابنتى؟؟ دا اللى قتلوا مالهمش علاقة باهل البنت نهائى دى مؤامرة ومدبرة وانا ليا زمايلى مساحين عارفين ان دى مؤامرة ومقتنعين ان المسلمين مايعملوش كدا وياريت تقروا تعليق( مى) اللى فوق هى زميلتى فى الشغل ومصرية مسيحية

عمــود نــور يقول...

الشعب لابد له من حكومه تشكمه.......
شيماء انا هقف عند كلامك شوية
الوصاية على مصر!!!!!!!!!!!!!!!!!!!!!!!!!!!!!
دا ممكن يحصل؟؟؟ هرجع واقول ليه لا؟؟؟ بس ازاى؟؟؟ وفعلا ممكن الريس يسيب الموضوع لحد لما يوصل لكدا؟؟؟
اانا عايز تفسير واضح منك ممكن؟

samy يقول...

دة كلام جميل من الناس كها

بس انا هقوللك مثلين دول انا عاصرتهم بنفسى

الأول كنت فى مرحلة أعدادى وكان ليا زميل مسلم واحنا كنا مش هقولك اكتر من اخوات وكدة

لالا بس اصحاب بجد جدعان مع بعض

جت فترة لقيتة بيبعد أكلمة يبص ويمشى ويسبنى

رحت ناديتة مرة بنرفزة اية يا محمد انا عملت حاجة زعلتك للدرجة دى

طبعا كنت متنرفز وزعلان

راح قلى بص انت مسيحى ومينفعش اقعد واتكلم معاك

طبعا كانت صدمة لا تتخيلها

معرفتش ارد
قلت لةماشى مفيش مشكلة انا عملت معاك حاجة وحشة

غلط وانا مش واخد بالى

قلى لا امال اية ؟؟

المفاجأة التانية
اصلى استاذ الدين قلنا كدة فى الحصة

طبعا معرفتش اتكلم لأنى فى وقتها تفكيرى طفل مش مدرك المفروض اعمل اية و دة كويس ودلوقت بحمد ربنا علية لية ؟؟

لأن بعد يومين تلاتة ابتديت علاقتنا ترجع تانى وانا وهو نسينا اللى اتقال دة كلة

عيال بقى ههههه

دة مدرس الدين

طيب هنتكلم دلوقت عن مثل اعلامى

الأستاذ المحترم حمدى قنديل المثقف
بتاع المدارس المتعلم

فى حلقة من حلاقات رئيس التحرير اللى كان بيقدمة على الهوا

كان بيتكلم عن فلسطين واللى بيحصل

تزامن مع دة حادثة الكشح لو سمعت عنها

تمام بس يا سيدى و حصلت مدخلة من سيدة مسيحية قالت

يا استاذ حمدى انت لية مذكرتش حادث الكشح والناس عمال تموت هناك

مكملتش الجملة قلها اية بقى شوف الرد واستمخ

انت بتكلمى فى اية ماانتو عملين تموتونا فى سرايفو وصربيا

(انتو بتموتونا) يا جمال الكلام من المثقف

قالتلو انا بكلم عن مصر بلدى

راح اقطع الأتصال

ودة اللى فوجئت بى ان تفكير كتير من الناس المسيحين بيفرحو باللى بيحصل فى العراق وافغانستان

وانا مالى باللى برة بلدى

ممكن احزن ممكن اكون ودة لازم ابقى مع العراقيين ياأخى دة انسان بيتعذب مهما كانت ملتة

تخيل دة تفكير قمة اعلامية و استاذ دين

شوف الناس البسطاء هيكون تفكريها أزاى


على فكرة انا مش بقول ان المسيحين ملايكة

تخيل ان الموقف الأول حصل مع حد تانى انا مش ملاك برضة

بس الحمد اللة قادر اوزن قادر افهم

بس غيرى ممكن لأ

شكرا

على فكرة انا عايش فى الصعيد ومعاصر دة كلة مش بيتحكيلى علية