الأحد، 28 نوفمبر، 2010

البحث


دور جواك على صورة قديمة

دور يمكن تلاقى تاريخك او حياتك

دور وقولى شوفت ايه؟؟

شوفت ناس ماتوا من زمان

ولا ناس جواك لسه عايشين

ولا حقيقه....

مش لقيها فى البنادمين

دور على صورتك وانت صغير

ودقق قوى فى ملامحك

وقارن... وقولى الفرق

قولى انك اتغيرت من جواك قبل براك

قولى انكسرت ولا لسه على رجلك واقف

بتعاند؟؟

طيب ورينى بتعاند مين؟

ولا فين ولا ليه بتعاند

لسه جوا جيبك صور كتيرة

شوف كدا وقولى

بس ياريت بالحقيقة تقولى

وماتسالنيش عن رأيى

لانه مش هيعجبك

شوف كدا وفرجنى

دلوقتى عمرى قد عمرك

طيب قولى عملت ايه؟

شايفك عمال تدور جوا نفسك

وبتسالها عملت ايه؟؟

مش هجوبك وعايزك

تعر فها لوحدك

طيب اقولك.. قرب من المريا

واسمعها ..هتقولك حكايه

عن واحد كان هنا من كام سنه فاتوا

اقف والمس باديك كل تفصيله فى ملامحك

اقف وافتكر ايام المدرسه وتسريحه شعرك

افتكرت؟؟!!!

خلاص ماتعيطش هسيبك يمكن تقدر تتغير

بس قبل ماسيبك اوعدنى انك هتقدر

ولو اتغيرت

انا مش هخرج تانى ولا هتسمعلى صوووت

وهفضل جواك

بس اوعى تفتكر

ان ضميرك مات

مارس 2008

هناك 11 تعليقًا:

شمس النهار يقول...

اكيد كتير بيخافوا يدوروا جواهم

واكيد كل العمر مابيجري
بنتغير

وصور كتير بتغيب ومعاها ناس غاليين


وفي يوم هنيجي نبحث
هنلاقي مافيش ولا كأننا عايشين

لـــولا وزهـــراء يقول...

مــــحمد

********

ساعات باشتاق ليوم عشته وانا صغير
لشكلى قبل ما اتغير ....

اكتر من رائعه بجد انا كنت زعلانه من غيابك الطوووووووويل بس دلوقتى فرحانه بكلامك اوى اوى ....

فى ناس عايشه حياتها من غير ما تتعب نفسها وتبحث داخل نفسها لكنها تبحث داخل الاخرين وننسى اننا بنى ادميين لازم نشوف اللى جواه نفسنا الاول ...

اقولك لك لما بحثت جوه نفسى لاقيت ايه

**لاقيت ناس جميله رحلت عن دنيا البشر بس لسه لهم فى قلبى نفس الغلاوه وباسمع نصايحهم وكانهم عايشبن معايا ...


**لاقيت شويه من براءة زمان وشقاوتها

**لاقيت جروح معنويه لكنها بتحاول تندمل...

**لاقيت قلب لسه نبضه شغال وبيقولى لو مش قادره تحققى حاجه دلوقتى بكره جاى عشان تحققى معاه حلمك اللى مش قادره عليه النهارده


**لاقيت اصدقاء حلوين جوايا عايشين حياتى اتغيرت معاهم للافضل

*** لاقيت ملامحى مش اتغيرت كتير عن ايام ما كنت طفله

*** لاقيت انى لسه قويه بايمانى بربنا

**لاقيت ان كلامك اللى كتبته فى مارس 2008 يصلح للنهارده ولكل يوم

*** لاقيت صديق اسمه محمد فؤاد صاحب عمود نور بينور طريقنا بكلام بسيط لكنه عميق

حاجات كتير لاقيتها جوايا بس لاقيت ضمير بيقولى انه صديقى وقت الضيق وقت الشده ووقت الفرح ...

بوست جميل اوى اوى ومحتاج رغى ساعات بس كان نفسى اعرف لما انت دورت جواك لاقيت ايه ؟؟

زهراء

sony2000 يقول...

بجد بوست رائع
احيانا بدرو علي جوايا
مش بلاقي غير صور قديمه قوي
لجدتي الله يرحمها
احن واطيب شخص فالوجود
ادعي ليها بالرحمه والمغفره
اللهم امين

ghada mOhsen يقول...

عارف ..
من هواياتي إني أدور على نفسي جوايا كل فتره
حلو أوي لما تبقى عارف نفسك أكتر من أي حد

هاتبقى مرتاح لما تتصاحب مع نفسك
وتسايسها وتروضها عشان تلحقا في اخر لحظه ...

........
على فكرة رائعه بكل معنى الكلمه
مزّجتني وخلتني أسرح في نفسي


بتمنى تكون بخير
تحياتي الملونه لإبداعك الحقيقي
^_^

Wohnungsräumung Wien يقول...

Thanks for it .. I hope the new Topic is always

Umzug Wien يقول...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

entrümpelung wien يقول...


Vielen Dank ... Wo neue Themen?

Räumung wien يقول...


مدونة مميزة
كل تقديرى واحترامى لكم ... :)

entrümpelung wien يقول...

شكرا لكم .. دائما موفقين ..::))


entrümpelung
entrümpelung
entrümpelung wien

ريوبى يقول...

موضوع ممتاز
ryobi

Umzug يقول...

بسم الله الرحمن الرحيم .. لا اله الا الله
Umzug - Umzug wien