أستغفرت ربى رب السموات والارض
وقولت هابعد عن ذنوبى بالطول والعرض
صليت كتير ودعيت من كل قلبى
اعتزار لابد منه:
انا اسف جدااا يا جماعة انى ماكنتش برد على تعليقاتكم البوست اللى فات كان عندى ظروف فى الشغل فاكنت مشغووول جداا
انا اسف جدااا يا جماعة انى ماكنتش برد على تعليقاتكم البوست اللى فات كان عندى ظروف فى الشغل فاكنت مشغووول جداا
هناك 39 تعليقًا:
و لا يهمك يا محمد
المهم انك بخير
يا صاحب اجمل ضى
محمد
-*-*
اعتذار ايه ....
ايه الكلام الرسمى فهمى نظمى ده مافيش بين الاخوات اى اعتذارات
ربنا يوفقك ويكرمك ويفرح قلبك ويسعد ايامك وتشوف كل الهنا والسعاده فى حياتك يا اجدع فنان واجمل صديق كمان ;)
ثوانى واعلق على البوست
زهراء
نبا على بركة الله فى الرد على البوست
حلوه اوى كلمة "ربى " يعنى انت يتتكلم بصفة الخصوصيه دليل على احساسك العالى ان ربنا سبحانه وتعالى قريب منك اوى وبعدين لما قولت رب السموات والارض دليل على ان رحمته وسعت كل شئ وملات اركان السموات والارض
كلمة " قولت " فيها تحدى يعنى اخدت القرار فى الماضى خلاص وبتنفذه دلوقتى قرارك انك تبعد على الذنوب مهما حصل بالطول او العرض التضاد هنا اعطى المعنى اصرار غير عادى ....
كلمة صليت جايه من الصلاه اللى ركن من اركان الاسلام وكمان جايه من الصله بينك وبين ربنا وانك بتلجأ له وتدعى له كمان ...
الدعوه من القلب يعنى مافيش فيها اى قيود لكنها دعوه خالصه لوجه الله
كلمة " انا وراك " اشعر انك تتوعد للشيطان ربنا يكفينا شره يعنى مهما حاول معاك انت برضه وراه الى ان يتهد حاله علشان مش يبعدك عن قرارك ابدا
شوفت البوست بتاعك بكلماته القليله جدا جدا جدا احتوى على العديد والعديد من المعانى الجميله الراقيه
فنان يا محمد ومش ممكن اغير رأيى فيك ابدا ........
كل ثانيه وانت بخير وسعاده يارب
زهراء
ياااااااااااااارب اغفر لى واهدينى
يا محمد
عادي جدا وبلا اي اعتذارات
كلنا لنا ايام انشغال عاتي وايام براح
ربنا يعيننا كلنا
اما بالنسبة للشيطان
فيارب احنا اللي نهد حيله ونحزنه وما يقدرش علينا
حلوة يا محمد قوي
السلام عليكم إزيك يا محمد
ياااااااااارب إغفرلنا خطايانا
بس حلوه حيلك يتهد دى
ربنا يهد حيله هد حيلنا بس على مين
للي يسمعله
والله الشيطان أضعف من الضعف نفسه
بس هو بيضحك علي ناس كتير لإنه بيدخلهم في لحظه بينسوا فيها إنهم أقوى منه
وإنه معاهم سلاح بإسم الله يحرقه بجاز ورغم إن الجاز خساره فيه
والمهم انك بخير
ربنا يعينك ويقويك
مالك بس يا عم
انت لحقت تعمل ايه بس عشان تستغفر؟
و بعدين موضوع الرد ده المفروض ميزعلش حد
كل واحد و ظروفه
بس انت شكلك زعلان من حاجه
ابقى طمنى عليك
جميلة كلماتك بجد
ربنا يغفر لنا جميعا ويتقبلنا
وولا يهمك على التعليقات
تحياتى لك
جميله اوي يا محمد بجد
وانا اقول هو مختفي ولا انا الى مختفيه
ربنا يقويك يارب
دائماً مدونتك عمود نور ينير الطريق للقارئ
دام ابداعك يا محمد
rabena ma3ak..
يارب يغفر ذنوبك وذنوبنا
آمين
فاتيما...
الحمد لله انا بخير ..ويارب تكونى انتى كمان بخير
زهراء..
كل مرة بتحسسنى انك بتكتشفى حاجات جديده فى كلامى انا مش ببقى واخد بالى منها جامد
انا صاحبة رؤية فنيه شامله وانا بثق فى نقدك حتى لو نقدك مش فى صفى
ميرسى ليك يا زهراء
star in the sky...
اللهم امين يارب العالمين
دكتورة ستيته..
انا قولت لازم اعتزر عشان محدش يزعل منى (مؤدب شويه ههههههههه)
ان شاء الله هنهد حيله بالاستغفار ان شاء الله
ميرسى يا دكتورة
حلمى البعيد...
وعليكم السلام ورحمة الله وبركاته
فعلا كلامك صح الشيطان ضعيف بالاستغفار تقدر تبعده عنك
ميرسى لكلامك الجميل
أيوة كده كلنا عايزين نهد حيل الشيطان ربنا يهد حيله هو وشياطين الانس
حلوة الرباعية بجد وربنا يتقبل
انا أسفة بجد انت طلبت تعرف موضوع ممنوع الاقتباس ازاي وانا انشغلت ومجيتش مدونتك من فترة
هو كود بتفتح صفحة html وتحط الكود وبالطريقة دي هتمنع الكليك اليمين في مدونتك
والكود حاولت كتير ابعته في التعليقات ومش عايز يتبعت :(
ياريت نفضل دايما ورا شيطانا لحد ما نهد حيله
واحنا نقدر على كده أكيد بفضل ربنا
وربنا يبعد عننا شياطين الإنس اللى ملهومش آخر
ربنا يوفقك
حلو كتير الإستغفار فى اى وقت وفى كل لحظه ...
وحلو كتير الإصرار بإنك ماراح تخلى للشيطان طريق لقلبك وعقلك ...
ربنا يبعدك عنه ويحميك ويحفظك ويحفظنا جميعا اللهم امين ...
... ;) ,,, ;) ...
صيدلانيه طالعه نازله...
انا زى الفل ولا فى اى حاجه :)
اانا بخير يا دكتورة الحمد لله
انتى عامله ايه؟؟
نهر الحب....
اللهم امين..اللهم امين..اللهم امين
thanx for this nice blog and please let me take a copy to my site
مشاهدة مباراة مصر وانجلترا
مشاهدة مباراة مصر وانجلترا بث مباشر
مشاهدة مباراة مصر وانجلترا بث مباشر
صبرني يارب...
نعلش يا صبرنى اختفيت شويه غصب عنى
ميرسى يا على كلامك الجميل
محمد عبدالرحمن شحاتة...
انت اللى منوارنى دايما يا محمد بجد واللهى..وعايزين نشوفك فى لقاءات تانيه
I'm The CraZy One...
ميرسى يا هند
ربنا معانا كلنا ونقدر بس..
Shaimaa...
اللهم امين..
بس احنا نقدر نهزم الشيطان..بعون الله
Lady E.....
يااااااااااااااه انتى لسه فاكرة واللهى دا انا نسيت هههههههههه
ولا يهمك ابقى ابعتيلى اللينك ع الميل هتلاقيه موجود ع البروفيل بتاعى
ميرسى على اهتمامك
MaNoOoSh...
انا كل يوم بدعى لربنا انه يبعد عنى همزات الشياطين وانه يبعد شياطين الانس والجن
ghada mOhsen...
يارب يبعد عننا الشياطين
اللهم امين
Borsa..
طيب انت مين.؟؟؟
معلش سورى مش هينفع موضوع الكوبى دا
لان فى البلوج هنا فى حاجات هتتنشر فا ليها حقوق طبع
شكرا ليك
السلام عليكم مدونتك جميلة
وعجبتني اول مرة ادخلها ومش اخر مرة ان شاء الله
تقبل مرورى وزورني في مدونتي المتواضعة
Haytham Alsayes...
نورتنى يا هيثم وميرسى على كلامك الجميل :)
http://www.blogger-lu2a.blogspot.com/
ده لينك مدونة فيها اكواد كتير وحاجات كتير للمدونات
اعتقد احسن من لينك واحد لكود واحد
"استغفار ..."
حلو قوي عنوان البوست ...عنوان يجذبك ويخليك تسأل سؤال هتلاقي عينيك بتبحث عن اجابته بين سطور شعرك ..
"أستغفرت ربى رب السموات والارض"
ربي ياء الملكية تحفففففففة يارب كلهم عبيدك وليس لي رب سواك
"وقولت هابعد عن ذنوبى بالطول والعرض
صليت كتير ودعيت من كل قلبى"
على فكرة الصلاة في اللغة معناها الاصلي الدعاء غير الفعل الصلاة .. اكدت عند اضافة كلمة دعاء انك تقصد الصلاة بفعلها في اول كلمة واضافة كلمة دعاء اكدت اصرارك على محاربة الشيطان وعصيانة واختيارك لطاعة الله وصدق نيتك بانت لما اضفت في الاخر من كل قلبي بالرغم من انك مكنتش محتاج تضفها لان المعنى خلاص وصلنا انت حطتها عشان زيادة التنأكيد واخلاص النية لله من القلب.
"انا وراك ياشيطان لاحد ماحيلك يتهد"
انت اللي ورا الشيطان !!! المفروض العكس ان هو اللي وراك عشان يدفعك للمعصية لكن بذكاء بدلت المقاعد معاه وبقيت انت اللي وراه بتدفعه لليأس والقنوط من تجنيدك لحسابه ..بان في اخر الابيات اصرار عالي بدأ من اول الابيات يظهر تدريجياً بالاستغفار ثم الصلاة ثم الدعاء من كل قلبك وانتهى بأنك انت اللي بقيت تطارد الشيطان بالاستغفار وتقنطه من معصيتك لله ...
لـــولا
الاميرة لولا...
وجود حضرتك ووجود زهراء فى التعليقات دايما بيعطى البوست تقل من نوعا خاص..
وجهة النظر الفنيه اللى والنقد الفنى بجد بيخلينى احس ان انا فى حاله زياده ادبيه وشعريه
بجد وجدكم فى تعليقات المدونة بيزيدنى ثقة وبيزيدنى رؤية لانى مش بعتبركوا قراء لالالا انا بعتبركوا نقاد فنين بستنى رائيهم وبستنى انكم تنقدوا اكتر من انكم تمدحوا او تكتبوا كلام كويس
جزاك الله كل خير
محمد
بجد الكلام ده كتييييييييييييييير اوى اوى اوى
ولعلمك بقى معايا مفاجاه هتفرح لها جدا جدا ان شاء الله
زهراء
على فكرة الشيطان هياخد اجازة كام اسبوع كده عشان عنده حفلة بيحضر لها
" اقتحام المسجد الاقصى "
للتواصل مع الشيطان ماتتصلش باى رقم
ما عليك الا انك تبطل صلاة لمدةاسبوع وتتفرج على مواقع بطاله وماتذاكرش ومتسمعش اخبار فلسطين والمسجد الاقصى وانت هتلاقى الشيطان قاعدلك فى البيت
إرسال تعليق