الاثنين، 18 يناير 2010

وجه القمر



ذات يوم كنت اقف فى شرفة غرفتى ورأيت ذلك الرجل الطاعن فى السن يقف خلف شباكة الزجاجى ينتظر شيئا ما سوف يحدث.. كنت اتأمل فى الليل من شرفتى وبالمصادفة جاء خيال الرجل كخيال ظل كان القمر بدر فأنار المكان من حولى وظهر ظل الرجل رايته يمسح وجهة وزراعة ثم اختفى.
فجاة تذكرت السيد احمد عبد الجواد البطل الشهر لسلسلة الاستاذ نجيب محفوظ الثلاثية (بين القصرين- وقصر الشوق- السكرية) أحيانا ارفض هذه الشخصية وفى وقت اخر اجدها ق تعود على مجتمعنا بالنفع من الناحية الايجابية من حيث الصرامة والشدة ولكنه كان بوجهين خارج البيت فهو الرجل اللعوب الذى يسعى خلف الراقصات لقضاء أوقات الليل فى اللاذات والمرح وفى بيتة شديد الصرامة مع زوجتة وأولاده ..فقد استطاع استاذنا الاديب نجيب محفوظ ان يعكس جزء من المجتمع المصرى فى ذلك الوقت.

عندما قرر هذا الشاب صديقى ان يتقدم لخطبت فتاة كان يعرفها من قبل ولكن تلك المعرفة تحتاج لوقت والى علاقة واضحة وصريحة وصحيحة لكى تتم وتكون معرفة مكتمله.
جميع من حولة اكدوا له انها الفتاه الثالية التى سوف تصونة وتحفظة وبالفعل كانت.. وبدأ الاقتراب منها أكثر وتمت الخطبة فى جو من الحب والاتفاق.
وعندما حضرت احدى اقاربه وهى سيدة كبيرة فى السن فى العقد الخامس وذادت ثلاثة سنين قالت له انها فتاة جميلة ومهذبة ماشاء الله!!
وصلت علاقتهما ببعض على النحو الذى قد يجعلهما أسعد اثنين فى الوجود وبدأ يحلم معاها وتحلم معه وبدأت الايام تأتى بثمارها وبدا يكتشف انها هيكل من الخارج ليست اكثر بدات تظهر على حقيقتها وعرف انها مجرد مانيكان فى الفاترينة لاتخشى الله ولا ترعى حق الارتباط بينهم كاذبة خادعة تتلون بمئة الف لون فى الدقيقة تخدع من هم اقرب الناس اليها .
أخذ يفكر كثيرا حتى يأخذ القرار الصحيح وحتى لايشعر انه قد ظلمها حتى شعرت بذلك وعرفت انه لن يقبلها زوجة رضيت ان تقف فى موقف المتفرج تنتظر حتى ياتى اليها بكلمة النهاية وتسدل الستار على هذه القصة.
وعندما سالته السيده التى فى العقد الخامس لماذا تم الانفصال كانت لاتتخيل فى يوم من الايام انها سوف تكون كذلك وقالت:ياخسارة كانت مثل وجه القمر ..لقد خدعنا المظهر .
نعم ياسيدتى لقد خدعنا المظهر فقد كنتم تقولون فيها شعرا ونثرا وهو الان قد اكتشف ماهى الحقيقة.

وقفت فى تلك الليلة فى شرفتى وعينى صوب وجه القمر وتذكرت هذة القصة وتذكرت تفاصيلها حتى قاطع تفكيرى صوت اذان الفجر نظرة الى الشارع رأيت ذلك الرجل الطاعن فى السن ذاهبا الى المسجد!!

محمد فؤاد عيسى
31/12/2009

هناك 11 تعليقًا:

لولا وزهراء يقول...

يا صباح الرقه والكلام الجميل
ما شاء الله متالق يا محمد على الدوام
حجز اول تعليق بس

زهراء

لولا وزهراء يقول...

انت عارف يا محمد ان موضوعك فكرنى بحاجه كنت كتبتها من فتره وهى ان القمر بيعكس نور الشمس الذى يستمده منها يعنى القمر مخادع وكاذب
معلش يعنى مع كامل احترامى لكل الناس اللى بتتغنى بالقمر
حكاية البنت دى بتوضح لنا انه فى بعض الايحان يمكن ان يخدعنا المظهر الكن الجوهر حاجه تانيه يعنى ممكن ننخدع فى حاجه بتلمع نفتكر انها ماس ولكن تظهر الحقيقه وتتضح انها زجاج ليس اكثر من هذا او اقل

اسلوبك تحفه بجد كلامك منسق اوى بالتوفيق
اقترح عليك انك تعمل سيناريو لهذه القصه وانا بقى اعملها فيلم قصير اعتقد انك شوفت شغلى وعجبك ولا ده كان كلام كده وشغلى مش عجبك

ربنا يوفقك فى حياتك ويكرمك يااااااااااارب

زهراء

صبرني يارب يقول...

برافوا يا محمد بجد

حلوه اوي

اولا فكرة المظهر الخداع دي مهمه اوي وياما ناس حتى بيخدعوا نفسهم كمان


ثانيا الربط بين الرجل من الشرفه وسي السيد والقصه كله عاجبنى

بصرف النظر عن رايك فى شخصية احمد عبد الجواد
لانى اختلف معاك هوما كانش حازم مع اهله لا هو كان ظالم وفى فرق

ولو كنت تقصد ان الحزم من النوع ده ممكن يكون طريق ا صلاح

فمش ممكن عشان فى ازدواجيه

فاقد الشيء لا يعطيه ماينفعش

بس عموما جميلة اوي التركيبه بتاعتك

تسلم اديك

عمــود نــور يقول...

لولا وزاهراء...
صباح العسل والجمال

فعلا احنا بنتخدع فى المظاهر كتير جدااا احنا اصلا شعب بيعتمد ع المظهر يعنى مثلا لو عريس اتقدم لواحده وهو مثلا شغال محاسب وواحد تانى شغال دكتور الاهل هيختاوروا الدكتور لكن هما ماهتموش مين كويس ومين مش كويس اهم حاجه المظهر وبس.

لا طبعا فيديوهاتك بتعجبنى جدااااا وجديده وافكارك عاليه قوووى وانا مش هكدب عليكى هههههههه

عمــود نــور يقول...

صبرنى يارب....
اهو انتى يا صبرنى اللى فهمتي بالظبط انا اقصد ايه من الربط دا انتى قولتى اللى انا عايز اوصله وانا اقصد هنا سى السيد انه عنده اصلا ازدواجيه وبالظبط البنت دى.
ياعينى عليكى يا صبربر لما تقرينى هههههههه

ميرام يقول...

(:
مش كل حلو من بره حلو من جوه
{بنا يهدينا جميعا
تحيتي

الشعب لابد له من حكومه تشكمه يقول...

انا جييييييييييييت ..
انا باه ترتيبى وحش اوى فى الفصل ايه ده؟
بعد مكنت الاول اتراجع كده.يلااا خير.

حلوه جداااااااااا يامحمد بجد حلوه.

اوقات المظاهر بتخدع اوىىىىىى عارف جاهين لما قال رجال لابسين بدل وهم بلالين اهو كده.
فى ناس كده مظهر ومنظر ومن جوه فااااااااااااااااااضى.

وانا بكره دول جدااااااااا, بكره الفاضى من جوه,
هتستفيد ايه من وش زى القمر ولا منظر مفيش منه ,عنيك بتتعود ويفضل انك هتتعامل مع الفضا اللى جوه ده..

بالنسبه للسيد احمد عبد الجواد,على الرغم من عشقى الشديد للرجل الشرقى ,
واعجابى الشديد بالديناصورات التى انقرضت فى هذا الزمن(دا سيم بينى انا ودكتوره ستيته فاهمينه ديناصور):)

المهم الا انى مش شايفه ان شخصية احمد عبد الجواد دا شخصيه سويه ولا هو الراجل الشرقى اللى بعشقه,

هو فعلااااا زى ما انت عملت ربط مجرد منظر ومظهر وهو من جواه بلاوى,

من بره شهامه ورجوله وتشوفه تقول اعظم انسان ,
انما من جوه ياعينى عليه بياع ويبيع حتى والديه.

بلووووووووووونه وبتفرقع على الفاضى:)

ايه الرغى ده كله .وكل مجى هنا افتكر جاهين:)

هااااا وانت اخبارك ايه باه؟ الجو جمييييييييييل وحر اخر حااااااااااجه:)

الشعب لابد له من حكومه تشكمه يقول...

يانهارى كل ده كومنت:))
سورى اصل بقالى فتره عندى حالة استكانه تدوينييه ومش بعلق كتير فخرجت كل اللى جوايا.
هااا وانت عامل ايه دلوقت؟ فاااااااين؟ جووووود:)

عمــود نــور يقول...

ميرام....

نورتى المدونة وميرسى على تعليقك
فعلا كلامك صح انا قابلت ناس كتير حلوين من برا بس من جوا زى الزفت .. بص فى ناس حلوين من برا ومن جوا عشان مانظلمش حد

عمــود نــور يقول...

شيماااااااا..
انتى فين يا بنتى من زمن؟؟؟ كل يوم ادخل واقول هلاقيها كاتب ومالقيش اختفيتى ليه كدا؟؟؟
......
على فكرة لسه فى رجاله شرقيين ولسه فى ديناصورات بغض النظر عن السيم بس وسائل الاعلام ربنا يسامحهم هاجموا الراجل الشرقى المتحفظ وقوية شوكة الستات فاخلاص يا امى ...شكرا بقى

انا فعلا كنت قاصد الربط دا والحمد لله انه قدر يوصل للناس

انتى كدا هتظلمينى جاااامد على فكرة...ليه كل ماتيجى عندى تفتكرى صلاح جاهين؟؟؟ انا كدا هتظلم لانى بتقارن براجل فنان وكبير وانا لسه بقول يا هادى هههههههه

انا كويس وكله تمااام وهستناكى فى لقاء المدونين هنا فى القاهرة ياريت تجيبى صلاح وصبرنى ودعاءوسارة وبقيت اهل المنصورة وتيجوا هتنورونا

بدراوى يقول...

قبل ما اقرا و اقول رأيى فى القصة
جاى اشكرك على ذوقك بخصوص موضوعى الأخير فى المدونة
حسستنى بالإحراج
معلش حصل خير