الثلاثاء، 16 مارس 2010

ع الورق



ضعتى خلاص مابين الحبر والورق



خدوكى كلاب السكك وقالوها ع الملأ



وقالوا خلاص كل عربى قلبه تاااه



وانا قلبى عشانك جوا منى اتحرق

هناك 26 تعليقًا:

الشعب لابد له من حكومه تشكمه يقول...

امممممممم حلوه لدرجى توجع يامحمد..
تسلم ايدك..

بقالى كتير مكنتش اول كومنت الحمد لله اعتقد كده دى اول مراحل خروجى من محالة الغيبوبه اللى انا فيها:)

ازيييييييييييييك؟

موناليزا يقول...

كلنا قلبنا موجوع

أحمد عبد الحميد يقول...

:(

shimaa elkholy يقول...

اسوأ احساس فى الدنيا انك تحس انك عاجز ومتكتف مش عارف تعمل حاجه

جميله بجد يا محمد ودايسه على الجرح

الجواز و سنينه يقول...

دايما بحس ان الكلام القليل بيوجع اكتر
علشان بيكون مختصر كل الالم فى كلمات قليله
زى محلول مركز
تسلم اديك

حلمى البعيد يقول...

يااااااااااااااااه علي الوجه اللى في قلوبنا يامحمد

ربنا يعديها علي خير

هنقول إيه القدس وفلسطين وقعت في إيد شوية كلاب

حتى الكلاب عندها رحمه..إنما هما كفر

حسبنا الله ونعم الوكيل

كلامك جميل يا محمد وبيوجع بجد

SHAPE YOUR LIFE (ABOALI) يقول...

لسه الشهادة فى قلوبنا يا قدس كل بلد
بتقول لينا لسه فيه ولد
جاى هايحررك من احفاد القرد
لسه اوانه مجاش بس الوعد بدء


كله خير يا محمد ان شاء الله

تحياتى لقلمك الراقى والشخصية الاروع

sony2000 يقول...

بجد كلمات رائعه
ممكن تكون بسيطه
بس بتعبر عن كل حاجه

لــــ زهــــــراء ــــولا يقول...

محمد
-*-*-

ما شاء الله ايه النشاط الفنى ده يا فنان :D

عنوان البوست فيه سرعه غير عاديه انت حذفت حرفين من كلمة على دليل على سرعة الحدث ...
الصوره بقى محتاجه ساعه علشان احللها وانا عارفه دماغك بتوجعك من الرغى بتاعى ;)
نبدا على بركة الله فى البوست وسوف احاول جاهده والله ان يكون خير الكلام ما قل ودل

ياااااااااااه على قسوة كلمة ضيعتى كلمه قاسيه جدا جدا فيها معانى كتير اوى اوى ....

عارف كلاب السكك فكرونى بالجمله التى تقول اذا لم تستحى فاصنع ما شئت يعنى هما بيقولها امام كل الناس ومش خايفيين من اى حد ..

حتى انهم كمان حكموا علينا ان كل عربى قلبه تاااه تكرار حرف الالف دليل على انه توهان ليس له نهايه او حل يعنى سكة اللى يروح ومش ناوى يرجع تانى


اخر سطر فى الرباعيه لوحده محتاج مقاله نقدر نحلل فيه

" وانا قلبى عشانك جوا منى اتحرق "

انت هنا بتتكلم بصفة الخصوصيه على قلبك انت انه اتحرق جواك وماحدش هيحس به وده كلام يعبر عن حال كل واحد فينا وماحدش حاسس به كلمة "جوا " اعطيت للبيت صفة الخصوصيه, بس الجمله نفسها كل واحد فينا بيحس بها ....

ما شاء الله عليك فنان عن جد
ربنا يحفظك ويحفظ قلمك وابداعك
عن جد يا محمد ليا الشرف انى اتعرفت على حد زيك انسان وفنان واخلاق عاليه اوى اوى

زهراء ....

Unknown يقول...

قلبنا كله محروق ومسحوق
منهم لله تسألنى تقولى مين اقولك اولى الامر

Unknown يقول...

قلبنا كله محروق ومسحوق
منهم لله تسألنى تقولى مين اقولك اولى الامر

Unknown يقول...
أزال أحد مشرفي المدونة هذا التعليق.
Humman being يقول...

حقيقية...
بالتوفيق

Che يقول...

مش لوحدك والله يا ابو حميد ... انا برغم موقفى اللى ناس كتير بتعتبرنى عميل و خاين و الكلام الكبير ده الا انى اتحرقت من جوه لما قريت و شفت و سمعت

لــــ زهــــــراء ــــولا يقول...

اولا احب احييك على الصورة التحفة اللي انت حطيتها بجد معانيها كتير..والفنان اللي جواك اختارها
بص يافنان على مفرداتها وشوف معانيها

مهما السحب ملت السما فوقينا ..
مهما الغيوم كترت حوالينا
لسة قلوبنا بتنبض بالحياة فينا
ولسة النور جوانا مالينا
مش مصدق ..بص الشمس بتخترق بأشعتها الضلمة حوالينا

ضعتى خلاص مابين الحبر والورق


" " مش عارفة يا محمد كلامك صعب قوي ..هي خلاص القضية بعناها وبقيت احداث مالية الجرايد ...بقت احبار مالية السطور .."

خدوكى كلاب السكك وقالوها ع الملأ

" مبقاش في حيا في وشهم ولا دم
مبيدروش ولا يختشوش من عمايلهم
وشهك بقى مكشوف وعيني عينك كدا يابن العم
"
وقالوا خلاص كل عربى قلبه تاااه

" هي القلوب بتوه ولا عناويِنك
هو اللقا مكتوب سبوني وانا اجيلك
لاعبر شطوط وبحور ولو فين اراضيكِ
والي هيحررك اسمه منقوش على جبينك
انا قلبي من شوقي جوا مني اتحرق بناديكِ
لو هما نسيوا في يوم قصتك
بـــربابتــــــي اغـــنيـــلك
وانشر في كل الفضا قصة مواويلك
واغزل بتوبي شهادة وادفن فيــــكِ
"
بعد الشر ربنا يديك الصحة وطول العمر يامحمد بس القافية حكمت
انا اسفة بجد...
تعرف العمل الكويس هو اللي رد فعلك فيه يكون دموع اما العمل الراااااااااااااائع هو اللي ينتج عنه
طاقة نور تفجر بوجودها من اللي قراها فن ...
مش هبالغ لما اقول اعمالك اكتر من راااااااااااااااااااائع
الكلام وترتيبة وتركيبته ..فنان يامحمد بجد .



وانا قلبى عشانك جوا منى اتحرق
" برافوووووووووووو بجد رد فعل لاعمالهم كل منا جوا منه قلب محروق ..
كل منا جوا منه على كلمته الف الف قيود..
.متكتف ومش عارف اعمل ايه.. مخنوق "
مهما قولت وومهما عبرت مش هعرف اعبرلك عن جمال فنكدا كفاية بس ذوقك واخلاقك وانت بترد على ضيوفك


لـــولا

محمد فؤاد (صاحب عمود النور) يقول...

الشعب لابد له من حكومه تشكمه....

هو انتى كنتى فى غيبوبه ليه؟؟
حمد لله ع السلامة وياريت ترجعى تنتشرى تانى فى البلوجااات

ـــــــــــــــــــــــــــــــــــ

موناليزا..
عارف ان الناس كلها قلبها موجوع بس دا كفايه؟؟

محمد فؤاد (صاحب عمود النور) يقول...

أبو حميد...
ربنا موجود

ـــــــــــــــــــــــــــــــــــ

ندى الياسمين....

بجد يا ندى هو دا فعلا اللى تعابنى جدااا انى واقف اتفرج وكلاب السكك هيخلونا طول عمرنا نتفرج

محمد فؤاد (صاحب عمود النور) يقول...

الجواز و سنينه...

الكلام القليل دا مجرد حاجه كدا تفوق بسيطة او زى ماتقولى جرعه مبدأيه

ـــــــــــــــــــــــــــــــــــ

حلمى البعيد ...

فعلا زى ماقولتى

حسبى الله ونعم الوكيل
حسبى الله ونعم الوكيل

محمد فؤاد (صاحب عمود النور) يقول...

SHAPE YOUR LIFE (ABOALI)........

الاستاذ ابو على
ببقى مبسوط جدااا لما حضرتك ترد عليا بشعر انا بحب جدااا الاسلوب دا انى اكتب شعر وحد يتحمس ويرد عليا بشعر
فعلا تسلم افكارك

ـــــــــــــــــــــــــــــــــــ

sony2000...

ميرسى على وجودك فى المدونه وعلى الرأى الجميل

محمد عبدالرحمن شحاته يقول...

غداً ينفضُ الشعبُ أوهَامَه . وللشعبِ ظفرٌ رهيبٌ وناب ... ملايينه أقسمتْ لا تناب . وفي دربِها موطئ للذئاب...تحنُّ إلى الثأر عبر العذاب . وتحصي الثواني ليوم الحساب ... لئن جاء شدوي حبيب الصدى. يوافيك رغم انغلاقِ الرحاب... فلابد من عودتي للحياة. ولابد لي في العُلا من إياب... إذا هتف الشعبُ يوماً بروحي . أطلت له من حنايا التراب..!

.....................................
دمي هذا الذي يجري . لها متدفقَ
البجسِ...أنا منها وافديها . أنا بالمال والنفسِ ... ولا أرض لها ذلاّ . لمحتل ومندسِّ ... هي القدس وكم ردّت. من الرومان والفرسِ... وكم في خاطر التاريخ. من قولٍ ومن حدسِ... عن القدس،وهل أسمى... وهل أزهى من القدسِ

...................................

هي لم تضع منا يامحمد . بل نحن من تخاذل وتغاضى عن حقه .
وكما يقولون ان القانون لايحمي المغفلين . ونحن اغفلناها. ولا بد لنا من إفاقه ونستردها. فما اخذ بالقوة لايسترد الا بالقوة

hend mossallam يقول...

:'(

hend mossallam يقول...

BGD MSH 3ARFA AKTEB 2H

حـــــروف متــبعترة " عــمرو الشــايب يقول...

حلووووووة كتييييييييييييير

مجرد حلم صغنتوت يقول...

:(
ما هو بيتحرق بس مش بيعرف يعمل حاجة في الاخر

تسلم ايدك يا محمد على الكلام اللي يوجع القلب ده :(

Unknown يقول...

ربنا كبير
وقادر وعظيم

ساسو يقول...

نبره الحزن اللي موجودك في كلماتك
جميييييييييييييييييييله أوي
تمنياتي لك بمستقبل مشرق وجميل