السبت، 6 فبراير، 2010

سكــــين


سكين الغدر ضربنى فى ضهري قسمنى اتنين


وقفت لوحدى فى عرض طريق اقول انا فين


مالقيت لا صديق ولا قريب ولا حبيب


بأديه يشيل الدمع مغرق سايل ع الخدين

هناك 42 تعليقًا:

SHAPE YOUR LIFE (ABOALI) يقول...

سكين ليه معنى
وكان معايا ليئم
نصه انغرس فيا
ونصه التانى الم حزين
لسه ماشى بسكينى
وكيانى لسه بيقول
هاستمر انسان كريم




فعلا يا محمد السكاكين كثيرة
والشاطر من يضعها فى المكان المناسب
ولكن قمة الالم ان ياءتى الالم من خلف الابواب


تحياتى الراقية لرقى قلمك وتاءملاتك

زهراء يقول...

محمد
-*-*-
ايه الكلام الجامد اوى ده
طبعا الرباعيه تحفه بجد مماحدش يقدر يقول اى حاجه
لكن اشعر ان الكلمات تعمل مراره

حرروف يقول...

مالقيت لا صديق ولا قريب ولا حبيب

بأديه يشيل الدمع مغرق سايل ع الخدين

وكأنك بتقول حكمة الزمن اللي الكل لازم يبقا عارفهااا


كلماتك جميلة اوي دمت بخير

لولا وزهراء يقول...

محمد
-*-
انا جيت تانى اصلى كنت نسيت اقلب حسابى الى حساب لولا وزهراء طبعا انت خلاص بقى عرفتنا ووجعنا دماغك
بص يا فنان
على فكره كلمة فنان دى صعب انى اقولها لاى حد بس والله العظيم انت فنان بجد

انت عارف ان اصعب حاجه هى الغدر وياسلام لو جه من حد من اقرب الناس اليك مش يقسمك اتنين لا ممكن يقسمك عشره

وكمان احساس صعب اوى لما مش تلاقى اى حد يساعدك ويقف جنبك
والله انت فنان مبدع ما شاء الله عليك ربنا يحفظك
كل مره بتكتب رباعيه بتحسسنى اد ايه انك فنان عبقرى او صلاح جاهين الجديد
تقبل اطيب امنياتى لك بالسعاده والتوفيق

ملحوظه صغيروه معلش او كنت باختفى لانى كان عندى امتحانات فى الجرافيك
اشوفك بخير على طووووووول يااااارب

زهراء

عايش... ولكن !!!! يقول...

سلمت اناملك
كلماتك رائعه
تحياتى

صبرني يارب يقول...

ايه السكاكين والجو ده

اخاف انا كده

حلوه يا محمد بس والنبى شوفلنا حاجه فاتحه شويه اصل مش ناقصه غمقان خالص

أمل حمدي يقول...

نعم كثرت السكاكين

لكن لنا رب العالمين

ينتقم من كل ظالم لعين

تقديري

ماماأمولة

لولا وزهراء يقول...

سكين الغدر ضربنى فى ضهري قسمنى اتنين

وقفت لوحدى فى عرض طريق اقول انا فين

مالقيت لا صديق وقريب ولا حتى حبيب

بأديه يشيل الدمع السايل ع الخدين


ايه الجمال ده والله حلو قوي يافنان):): ):):
احساسها عالي رغم انه حزين لكني استمتعت بالفن اللي طالع منه والنغمة بتاعة الابيات كلها على بعض مضبوطة
ممكن تبص لفوق تاني ع الابيات ... تحفة بجد .

اول بيت خلانا نفكر ويطرح علينا سؤال مهم
هو ممكن طعنة سكين تشق انسان اتنين !؟ ياترى هو اتشق من الطعنة ولا من المفجأة لما ادير وشاف مين اللي طعنه اعتقد ان احساسك بالشق نصين حسي ومعنوي وليس مادي لما وقعت عنييك على الانسان اللي كان ماسك السكينة والالم اللي سببتهولك احاسيس الغدر .

اول ما الانسان بيحس بالغدر بيقف يدور على اللي يجفف نزفه حد يسانده حد يساعدة..لكنه وقف يدور في دنيا فاضية !!!
ملاقاش اقرب الناس اليه ولا حد يحوش الدمع السايل ع الخدين
جسدتلنا مشهد الطعنة كويس قوي بأحساس عالي ربنا يعزك ويخليك
ومن فيض خيرة يكرمك ويعطيك
وبالسعادة يفرح قلبك ويهنيك

لـــولا

لولا وزهراء يقول...

وقفت لوحدى فى عرض طريق اقول انا فين

انا اسفة نسيت اقول حاجة

كلمة عرض طريق دي هااااااايلة
لها معنايين مش عارفة تقصد المعنين ولا لأ

عرض طريق جت نكرة يعني اي طريق ..اي طريق قدامك مشيت فيه اي طريق صادفك
وبالرغم من ان الطريق واسع وعريض الا انك كنت لوحدك
محدش نجدك
ولا طيب نزفك.

عارف ترنح الطير الذبيح
بيكون قاصد اي طريق اي حد يساعده مش قاصد الطريق ده هو ترنحه هو اللي جابه هنا


المعنى التاني البعيد انت كنت واقف في عرض طريق والطريق هنا معناه انك في عرض اي منفذ للنجاة من طعنات الغدر في عرض اي طريق يوصلك للطريق المستقيم الصح .

معرفش وصل اللي عايزة اقوله ولا لخبطت
ههههه

لـــولا

أسماء أحمد فى حفلة تنكرية يقول...

الله عليك بجد
بسيطه اوى لكن معبره جدا

كل واحد فينا مطعون بالسكين
وده حاصل من سنين وسنين
ولما نزفنا دم طلع كله جراح
وقلوبنا من الاهات بتنفجر
وفى النهاية مبقاش فاضل غير طعنت سكين
فى قلب مليان بالانين

تحياتى لك
اتمنى تشريفك فى (بيتى الكبير) الا وهو (البلوج الصغير)

ghada mOhsen يقول...

محمد باشا ...

بجد انا بنبهر اوى باللى بيكتبوا كلمات قليله بس فى نفس الوقت بتحمل فى طياتها معانى تنكتب فى عشر صفحات ....

بجد حلو كتير تعبيرك ...

وياما الواحد بينضرب بسكاكين فى الظهر وفى كل حته ...

لان احنا عايشين ودايما متوقعين الخير من اللى قدامنا ... بس مش دايما بتبقى توقعاتنا فى محلها ...


ماهو ده زمن العجايب ... بس برضو الواحد يتمسك بمبادئه ويفضل زى ماهو ...

تسلم كتير
... ;) ,,, ;) ...

reem يقول...

حلو كلامك ورباعياتك اوى يا محمد

تصدق وانت بتوصف وجعت قلبي

عاوزين رباعية فيها فرح وتفائل يا محمد

حـــلـــم كــــان يقول...

اه واه من سكين الغدر ده

صعب اوى واللى يحس بيه اللى يكون مجرب ودايق طعمه

حـــلـــم كــــان يقول...
أزال المؤلف هذا التعليق.
romansy يقول...

سكين الغدر خاف منه
خد بالك وابعد كده عنه
هتلاقى حبيب كده غافل عنه
مستنى رضاك

بص بس حواليك هتلاقى ارق حبيب

I'm The CraZy One يقول...

:"( fiin 2l tafa2ol ha..?
whatever ya3ni mafiish 7aga testahel w kolo bey3adii bgd madaye2sh nafsak ...akiid rabena shayelak 7aga a7ssan bgd sada2ni ...
howa tab3an 2l roba3eyat wahmeya bas yemken law kanet 2tkatabet men 3'er monasba makanetsh hateb2a ka2iba awii :((


bgd bgd matez3alsh

شمس النهار يقول...

ياه مااكثر السكاكين
الايام دي

سكاكين من حرير
سكاكين تلمة

سكاكين حامية
سكاكين بتدبح وماتموتش

وكلها سكاكين غدر

بجد تسلم ايدك اوجزت فأنجزت

سلامي

ستيته حسب الله الحمش يقول...

كم اشتقت لرائحة الربيع
بلا غدر وبلا نغزات سوداء في القلوب
آه يا رائحة اشجار البرتقال
كم اشتقت اليك
آه يا رائحة الأحباب
ألا تناديني؟

هو ده اللي طلع معايا لما قرأت رباعيتك

mohamed ghalia يقول...

الضربات الغادرة دى بتكون صعبة أووى يامحمد
معاك حق بجد

محمد فؤاد (صاحب عمود النور) يقول...

ابو على.......

ببقى مبسوط لما بترد عليا بشعر احسنت يا استاذ
قمة الالم ان يأتى الالم من خلف الابواب
انا قولت المفيد.

ــــــــــــــــــــــ

زهراء...

هى تحمل مراره فعلا لانها تجربة صعبه نوعا ما ولكن ربنا يعديها على خير

ـــــــــــــــــــــــ

حروف..

واللهى من غير حكمة
عارفه لما تبقى فى الشارع مش عارف تكلم مين تشكيلة انا حسيت الاحساس دا

نورتينى فى المدونة

محمد فؤاد (صاحب عمود النور) يقول...

زهراء....

ربنا يخليكى ويعزك على كلامك الحلو دا

ياستى واللهى مش فارقه فنان ولا لا هههههههههههه المهم ان الناس تحس وتحب اللى بقوله
دايما انتى ولولا تخرجوا وترجعوا تانى تعلقوا ارسوا بقى على حاجه ههههههههههههه

ـــــــــــــــــــــ
عايش ولكن...

ميرسى على كلماتك الجميلة ونورتى فى المدونة

ــــــــــــــــــــ

صبرنى...

عندى حاجه لونها تركواز انما ايه عنب هههههههههههههه
فاتحه ايه وغامقه ايه ماتقرى وخلاص ههههههههههههههههههههههههههههههه
نورتينى يا صبرنى

محمد فؤاد (صاحب عمود النور) يقول...

أسماء أحمد فى حفلة تنكرية...

شعرك جميل يا اسماء
انا زرت مدونتك وعجابتنى جدااااا وخصوصا ان سنك صغير ماشاء الله عليكى

ــــــــــــــــــــــــ
غاده محسن...

ميرسى جدااا على كلامك الجميل يا غاده
بصى الصرب اللى مش بتموت بتقوى
الحمد لله
ـــــــــــــــــــــــ
ريـــــــــم

سلامتك من وجع القلب ليه كدا؟؟؟ واللهى هتزعلينى

بقالى كتير مش بشوفك (:

Baskouta يقول...

سكين الغدر بيقسم القلب نصين
نص موجوع وبيتألم وينزف
ونص مصدوم ومش مصدق ومحتار وخايف
مصدوم
من الغدر
ومش مصدق
ان الضربة تيجي من اقرب الناس فتبقا مش بس ضربة لا تبقا غدر
ومحتار
هو ايه اللى المفروض يحسه دلوقت ...الم وعذاب ولا حزن على معرفة من غدر به ولا ندم على اوقات واحاسيس ضيعها مع ناس غدرت بيه , ولا استسلام لامر واقع واحساس بالضغف
واخيرا خايف
خايف من غدر تاني وتالت يقسم ما بقي منه الى شظايا تتناثر في ارجاء الكون
هو ده اللى بيعمله سكين الغدر
تحياتي البسكوتية
سعدت جدا بلقاءك يا محمد
بقا عندي اتنين اخوات بنفس الاسم
اعمل ايه انا دلوقت؟؟؟

مجرد حلم... صغنتوت يقول...

مفيش حد بيشيل الدمع غير صاحب الدمع ده
محدش بيخدم حد في الزمن ده

حلوة يا محمد

الشعب لابد له من حكومه تشكمه يقول...

دول مبقوش سكاكين باول سواطير,,,
ومفيش غير ايدك هى اللى هتمسح دموعك:)
اومال يعنى ربنا اداك ادين ليه:)

حلوه يامحمد وتتحس اوى

محمد فؤاد (صاحب عمود النور) يقول...

حلم كان...
وصدقينى طعمه مر علقم

ـــــــــــــــــــــــــــ

romansy....

حاضر يا كبير هبص حوليابس يارب اعرف اشوف ههههه

ـــــــــــــــــــــــــــ

I'm The CraZy One....

بكرمك دا يا هند هتاكدى للناس ان فى حد غدر بيا وخصوصا بقى انهم هيفتكروا انها موزه هههههههههههههههه

الحمد لله على كل شئ

محمد فؤاد (صاحب عمود النور) يقول...

شمس النهار...

تسلم اديكى انتى على الكلام الجميل اللى حضرتك كتباه
دايما منورانى بشعاعك الدافى فى عز ايام الشتا
ـــــــــــــــــــــــــــــ

ستيته...

واحلى كلام واللهى يا ستيته ...ايما رافعه روحى المعنويه
تسلم اديكى

ـــــــــــــــــــــــــــــ

Baskouta...

فعلا وى مانتى قولتى:

سكين الغدر بيقسم القلب نصين
نص موجوع وبيتألم وينزف
ونص مصدوم ومش مصدق ومحتار وخايف
مصدوم
من الغدر
ومش مصدق

مافيش كلام يتقال بعد كلامك

محمد فؤاد (صاحب عمود النور) يقول...

مجرد حلم...

فعلا لازم بايدى انا امسح الدمع ماحدش بينفع حد

ــــــــــــــــــــــــــــــــ

شيمااا....

نفسى اعرف بتختفى فين وبتيجى تانى

سواطير؟؟ دى مش اى سواطير ..دى اصعب من السواطير ..بس انا قولت سكين عشان الناس ماتتخضش

محمد فؤاد (صاحب عمود النور) يقول...

لولا....

انا قولت اسيبكاخر رد عشان اعرف ارد بدماغ

اولا انا بقيت محرج جدااا من كلامك الجميل دا وربنا يعزك يا رب ههههه

ثانيا::

بستمتع جدااا جدااا جدااا لما بشوف تحليلك النقدى للرباعيات بجد موهوبه جدااا وتحليلك بيعجبنى وكانك داخلتى جوا نسيج خيوط الكلام

انا اقصد فى عرض طريق هنا لما جاءت نكره كنت اقصد عرض طريق اى ان الطريق واسع جدااا وعريض ورغم كدا مافيش حد عبرنى

تحليلك النقدى ممتاز وانا من رئي المتواضع انك تعملى فى البلوج بتاعك بوستات تحليل نقدى للمقالات او الشعر اللى بتقريه فى المدونات الاخرى وتعلنى عن صاحب المدونة صدقينى هتبقى فكرة حلوة قوووى

وسلامى لزهراء

صيدلانيه طالعه نازله يقول...

اصعب حاجه فى الدنيا انك تآمن لحد و يغدر بيك
انك ترمى كل اسلحتك و تلاقى اللى قصادك اول من ضربك
الخيانه و الغدر كلمتين جواهم كل الصفات السيئه الموجوده فى كل البشر

تسلم ايدك يا محمد

صيدلانيه طالعه نازله يقول...

انبسطت قوى يا محمد انى اتعرفت عليك فى معرض الكتاب
و يارب دايما متجمعين فى المناسبات الجميله

محمد فؤاد (صاحب عمود النور) يقول...

صيدلانيه طالعه نازله ...

بجد انا اللى كنت سعيد جدااا يا دكتورة انى اتعرفت عليكى فى المعرض
نورتينى فى المدونه

sookra يقول...

كلنا تعرضنا تلك الطعنات وكثير منا مازال ينزف
حلوه رباعياتك
ربنا يوفقك يارب
مساك شيكولاته

star in the sky يقول...

جميلة اووى

كلنا اضربنا بنفس السكين اظهار مفيش غير سكينة واحدة هههههههههه

بس لازم نكون مستعدين لكده ونقوم نفسنا بنفسنا لان محدش هيساعدنا غيرنا

محمد فؤاد (صاحب عمود النور) يقول...

sokraaa....

ياسلام بقى لما يبقى السكين تلم

نورتى المدونة(:

محمد فؤاد (صاحب عمود النور) يقول...

star in the sky....

فعلا لازم الواحد يقوى نفسه بنفسه
والله المستعان

حلمى البعيد يقول...

السلام عليكم

بجد أنا زعلانه أوى أوى وفي حاله ما يعلم بيها إلا ربنا

وبرده اللى أنا فيه ده يعتبر غدر

وبجد حاسه انى لوحدى

بس مش هقول غير حسبنا الله ونعم الوكيل

وبرده بصبر نفسي وبقول بلاش عكننه

وكبر تعيش

تسلم علي كلماتك

ربنا يحفظك

نهر الحب يقول...

الغدر شئ قبيح جدا
ومؤلم وموجع جداا
ربنا يحفظنا منه
بوست تحفة
سلمت يداك وحفظك الله من الغدر والغدارين

تحياتى لك

قلم رصاص يقول...

الله عليك يامحمد

بجد فنان كلماتك حلوة
بس انت كده خوفتني ياعم

انا من النهاردة هبطل السجايير مع اني مبدخنش ، واشيل ساطور
هههههههههههههههه

تقبل مروري ياباشا

محمد فؤاد (صاحب عمود النور) يقول...

حلمى البعيد..

مالك؟؟؟ مين اللى غدر بيكى ؟؟؟
الصبر..الصبر ..الصبر

وزى ما قولتى كبر تعيش هههههههههه

محمد فؤاد (صاحب عمود النور) يقول...

نهرالحب...

تسلمى على كلامك الجميل دا ودايما منورانى

محمد فؤاد (صاحب عمود النور) يقول...

قلم رصاص.......

منورنى يا كبييييييير ...

هى فكرة تبطل الساجير وتشيل ساطور هههههههه

بص انا دايما بدعى واقول(يارب ابات مظلم ولا ابات ظالم) بس

نورتنى يا معلم