الأربعاء، 7 أبريل، 2010

المكان


فى مكان جوا منى

مسئول عن مكان

مش محددله زمان

ولا عارف اوصفه

وفى مكان مسئول عن كل دا

وانا تايهه مابين دا ودا

وعلى الرغم من كله دا

انا مش قلقان

وواثق هحركه

لو تعرفنى اسألنى

وانا جايز اجاوبك
ايه هو المكان اللى مسئول عن مكان؟

ويبعتلى الف اشارة كلام

ارمى سلام ...

للناس الكويسه

انا كل يوم بخبط ببان

جوا منى يمكن الاقينى

لسه فى نقطة مش واضحة المعالم جواه

انا هقف قدام الناس

اقول بيان

و النقطة ليها يوم وهتخرج

من جوا ومش هتبان

وخروجها هيكون بقرار

انا لسه رسملك يا مكان

طريق ابيض ومش الوان

وهرسملك طريق وخريطة

كبيرة وبعرض الحيطة

ومكانك سهل المنال

بين ضلوعى ع الشمال


ابريل 2010




هناك 29 تعليقًا:

reem يقول...

ازيك يا محمد

الحمد لله انا عرفت المكان ايه

بس بجد كلامك حلو



وهرسملك طريق وخريطة


كبيرة وبعرض الحيطة


ومكانك سهل المنال


بين ضلوعى ع الشمال



عاجبنى موووت الجزء دا

sony2000 يقول...

انا لسه رسملك يا مكان

طريق ابيض ومش الوان

وهرسملك طريق وخريطة

كبيرة وبعرض الحيطة

ومكانك سهل المنال

بين ضلوعى ع الشمال
بجد الحته دي عجبتني اوي
وانا عرفت ايه المكان
اخيييييرا:)

محمد فؤاد (صاحب عمود النور) يقول...

ريم..

ميرسى لكلامك الجميل ربنا يخليكى

شاطرة انك عرفتى المكان
ههههههههههه

محمد فؤاد (صاحب عمود النور) يقول...

sony2000..
انا كمان عاجبنى الجزء دا هههههههههه

ميرسى ليكى
طب ايه هو المكان؟؟؟؟
ههههههههههههه

لولا وزهراء يقول...

محمد
-*-*

تحفه بجد
تصفيق جااااامد اوى اوى
ايه رايك كفايه الكومنت كده
رغم انى عاوزه اقولك كلام كتييييييييييير بس بلاش كده احسن ;)

زهراء

لولا وزهراء يقول...
أزال المؤلف هذا التعليق.
محمد فؤاد (صاحب عمود النور) يقول...

زهراء..

ليه يابنتى ماتقولى اللى نفسك فيه وبراحتك صدقينى عاااادى جداااا

بس عرفتى المكان؟

sony2000 يقول...

هقولك:المكان الاول هو القلب والتاني هو العقل
موش كدا؟؟؟؟؟؟؟؟؟؟؟؟؟

لولا وزهراء يقول...

محمد
-*-*
نبدا على بركة الله
الوا الصوره جامده اخر حاجه وفى ناس متخصصه للتعليق عليها

المهم المكان اللى مقصود هو القلب اللى مسئول عن ايه عن ايه ؟؟؟ عن الحب
اما المكان التانى هو العقل
اشعر بفلسفه فى البوست المره دى
بس حاسه انى تايهه شويه يمكن تايهه بين احكام القلب واحكام العقل لان كل واحد فيهم له اختيارات غير الاخر ...

رغم التوهان انت مش قلقان وده فى حد ذاته شئ جميل اوى لانك قادر تحدد مكانك بين التوهان ....





"ايه هو المكان اللى مسؤل عن مكان؟ "

يمكن المكان ده هو العقل



" انا لسه رسملك يا مكان


طريق ابيض ومش الوان "

حلو برضه انك ترسم له طريق باللون الابيض دليل على النقاء والطيبه


والله فنان يا محمد ...
ربنا يحفظك ودمت متألق على الدوام

زهراء

محمد عبدالرحمن شحاته يقول...

كلمات وفكره رائعه
سلمت يداك يامحمد
تقبل مروري

I'm The CraZy One يقول...

tooo7faaaa awiii :D

أميرة علي كوكب مهجور يقول...

انت تقصد العقل والقلب ولا ايه
ةالطريق الليلسه ابيض الطريق لقلبك وانت مستني الشخص اللي لسه هيلونه معاك حلو التفاءل ده يا محمد :)) ياسلام عليك وانت متفاءل

وهقولك تاني الكتاب امتي يا فنان! :)

حلمى البعيد يقول...

السلام عليكم

أنا كمان عرفت المكان

وتشيبهك للمكان جميل جداااا

كلماتك جميله وإحساسك جميل

ربنا يحميك ويحفظك

بس بجد احلى حاجه ان الانسان يخلى عقله مدخل لقلبه مش هيخسر

وأنا بنفذ المبدأ ده مخليه قلبي مدخل قلبي

ربنا يسترها

بس برده أنا عرفت المكان

المفروض بقي توزعلنا جوايز على الشطاره دى

ربنا يخليك

محمد فؤاد (صاحب عمود النور) يقول...

sony2000....
هو فعلا االعقل والقلب
وانا خليت هنا العقل هو المسؤل عن القلب بس انا مش بقصد اى نوع من انواع الحب فى القصيده دى انا بقصد نقاء القلب الداخلى واعتقد ان المعنى واصل جدااا

محمد فؤاد (صاحب عمود النور) يقول...

لولا وزهراء..

هو يمكن فعلا ممكن تتوهى فى الكلام بس فى الاخر انا موضح انا اقصد ايه
هنا فى القصيده فى حاجات مسؤله عن حاجات
انا اقصد من ضمن الحاجات العقل اللى مسؤل عن القلب اللى مسؤل عن النقاااء والصفاء
ممكن زى ماقولتى انها فى جزء فلسفة
بس اعتقد هى مفهمة كدا؟؟
ماكنتش عايز افسر بس يلا بقى مش مشكلة ههههههه

جزاكى الله كل خير

محمد فؤاد (صاحب عمود النور) يقول...

محمد عبدالرحمن شحاته...

تسلم يا محمد ودايما منورنى يا باشا
ـــــــــــــــــــــــــــــــــــ
I'm The CraZy One...

ميرسى ليكى
جزاكى الله كل خير

محمد فؤاد (صاحب عمود النور) يقول...

أميرة علي كوكب مهجور....

ياسلالالالالالام يا أميرة فعلا هو العقل والقلب
الكتاب قولى يارب وان شاء الله قريب

محمد فؤاد (صاحب عمود النور) يقول...

حلمى البعيد....

ربنا يعزك ويجزيكى كل خير
هو العقل دايما بيتحكمفى كل حاجه بس احنا ساعات بنسيب القلب يتحرك من غير العقل
وانا ماقصدش الحب هنا انا اقصد التعامل فى الحياه بمفهوم النقاء وان انا عايز اشيل النقطة اللى جوا القلب اللى بتعكر النقاء دا

Baskouta يقول...

Wow ya mo7ammed
Very telling
I felt it as if you are telling the story of a heart
simple , yet very telling
Touches everyone's heart
for What comes from this place should penetrates the heart directly.

Keep up
Good For you
Baskouta

ستيتة حسب الله الحمش يقول...

انا نفسيييييييييييييييييييييي
اسمع الحتة دي وانت بتلقيها
متأكدة ان روعتها ها تكون شكل تاني لما اللي حاسسها يطلعها من جوا كلام

بس طالما بتخبط ع الببان اللي جوا منك
يبقى مؤكد ها يتفتح منهم باب في يوم يعرفك كل اللي بتدور عليه

تحياتي

صباح الخير يقول...

بعد السلام عليكم
بوست جميل جدا
مليان مشاعر وأحاسيس
تحياتى وخالص تقديرى

صمت المشاعر يقول...

مدونتك لذيذه جداااا

وجميله كلماتك في الخاطره دي

دمت بكل خير

ghada mOhsen يقول...

المكانيين دول بيكونوا سبب سعادة الواحد أو شقاؤه ...

بجد حلوه كتير كلماتك ...

والغموض إللي فيهم زادهم جمالا وتعمقا ...

بجد تسلم محمد

وربنا يسعد قلبك وينور عقلك دايما:)

... ;) ,,, ;) ..

Samo يقول...

gamda ya a5oia, makontish a3raf enak gameeeeeeeeed kda
yalla go oooooon

SHAPE YOUR LIFE (ABOALI) يقول...

هو انت لسه بتبحث عن المكان
اه منك انت
المكان هناك معروف
يدلك عليه الف والوف
جبل هضبة تل العنوان ماءلوف
ركز انت بس واعمل زوم مخصوص
هاتعرف انى جنبك
والمكان معروف
بس انت ساعتك بالثانية
ومكانى بالفمتو محسوس
هاتحتاج بس تغمض عينك
تلاقينى فى النن باقولك
مولاى مكانك محجوز



جميييييييييييل يا محمد حالة البوست
وفعلا لسه فيه مكان ووقت وكل واحد عارف مكانه ووقته فين


تقديرى يا انسان

حـــلـــم كــــان يقول...

كالعاده مبدع

فى حاجات كتير موجوده انا لسه مش شفتها
هشوف كلها وهرجع

SHAPE YOUR LIFE (ABOALI) يقول...

ايش اخبراتك يا انسان

مختفى ليه
طمنا عليك ولو باءعادة شحن الرصيد

الشـوكة الــنـاعـمـة يقول...

السلام عليكم
خريطك متهوش وانا عرفت اوصل
احيك على الابداع ده بجد كلام فوق الرائع
تقبل مرورى
تحياتى

ساسو يقول...

بجد قلمك غايه في الرقه يا محمد

بين سطورك في انوار

وحروفك وكلماتك اجمل الكلمات

بجد مدونتك دي حكايه

انت فنان حقيقي