الخميس، 11 فبراير 2010

شخصية



انا وقت وعدى بسرعه

انا ساعه فوق الحيطة

انا دقة قلب فى قلبك

انا صرخه فى وسط الظيطه

انا سقفه جوه المسرح

او ضحكة قلب عميقه

انا دمعه طفل صغير

انا واحد عمره قصير
من ديوان (سجارة فرط) قريبا

هناك 56 تعليقًا:

عاشقه الرومانسيه يقول...

اول تعليق
حجز

عاشقه الرومانسيه يقول...

امتى هينزل الديوان ده بقى؟
وهو مطبوع ولا على المدونه؟
نفسى اقراه على بعضه
(:

فاتيما يقول...

حلوة قوى يا محمد

انا بحب جداالشعر لما يكون
فيه تركيز

لازم القطعة تبقى غالبا

يا قوية قوى

يا ناعمة قوى

عشان الفكرة توصل

ومش أى حد يقدر ع الحكاية دى على فكرة

بس انت باين عليك شاطر فيها

لحد ما الديوان ينزل
ادعبس فى مدونتك على مهلى بقى

تحياتى يا فندم

hend mossallam يقول...

bgd bgd tooo7fa a5er 7aga :D
2lpost da bgd me3adii :)

أحمد عبد الحميد يقول...

حلوة يا محمد

بس إسم الديوان ده ممكن تعترض عليه وزارة الصحة

خالص تحياتى

لــــ زهــــــراء ــــولا يقول...

فناااااااااااااااااااااااااااااااان
مش ينفع اقول حاجه تانيه وانت عارف ان ده رايى بجد

ده تعليق صغير كده ع الماشى ليا عوده تانيه ان شاء الله
ابقى طمنى على اخبارك يا محمد

زهراء

romansy يقول...

انا كلمه عشق جميله
انا نجم فى ليله طويله
انا لما احس ببعدك
انا بقى قليل الحيله

جميله يا محمد باشا
ومنتظرين الديوان قريب

غير معرف يقول...

حلوة اووى

وربنا يوفقك فى ديوانك

Soul.o0o.Whisper يقول...

بصراحة مش عارفة أعلق أقولك ايه.؟؟؟

بجد جميلة جدا

تمام زى سجارة فرط اللى انت قولتها فى اللقاء
:)

بس مستنيين زيادة



دمت بخير

الشعب لابد له من حكومه تشكمه يقول...

ياااااااجااااااااااااامد,
ايه الجمال ده:)عجبتنى اوى بجد.

ومن هنا بحب اوعدك ان شاء الله باذن الله,
هجيلك مخصوووووووووص من المنصوره واحضر توقيع الديوان بتاعك,وانت تبصلى وتقولى انتى مين:(
نزله انت بسسسس ,بس اييييييه هو هيباه كله اشعار مفيش رباعيات؟؟؟؟؟
مش هشتريه لو مفيش رباعيات علشان تكون عارف.

تسلم يامحمد.

صيدلانيه طالعه نازله يقول...

جمييييله قوى
و ربنا يوفقك

ستيتة يقول...

الله يا محمد
الله

مستنين الديوان
كلامك بيمس قوي شيء جوايا

ملحوظة
هي تبقى غتاتة مني لو قلت لك دقة و ضحكة لازم يتصححوا
ارجو متزعلش
بس هم مش بالتاء المفتوحة

حلمى البعيد يقول...

السلام عليكم

بجد كلماتك كلها حلوه

بس يالا نزل الديوان بسرعه

هارى أب علشان عاوزه أقرأه

Baskouta يقول...

جميلة اوي يا محمد
كلام تحفة واحساس عميق
بجد عجبني ولمسني جدا

انا واثقة ان الديوان ده هيكسر الدنيا
انت اصلا احساسك عالى وبيوصل القلب من اول كلمة
تحياتي البسكوتية

قلم رصاص يقول...

كلمات جميلة اوي يامحمد

استمر ياشاعر .. وياريت تكمل العلبه للاخر قصدي الديوان

بالتوفيق دايما يارب

حـــلـــم كـــان يقول...

جامده يامحمد

بجد عجبتنى اوى

مبروك مقدمآ على الديوان

واسمه جامد

Remas يقول...

الله يا محمد

حلوة اوى الكلمات

وبتتحس بسرعة

عجبانى اوى اوى

وفي انتظار الديوان ان شاء الله قريب

على فكرة اسمه حلو اوى

وبعدين انت فين ؟

مش بتطمنى عليك ليه ؟

محمد عبدالرحمن شحاته يقول...

انتقاء موفق للكلمات
ومبارك عليك الديوان
بس ابقى اهديني نسخه وماتنساش
تقبل مروري

واحدة وخلاص يقول...

انا ضحكة طفل صغير
انا حب ما بيتغير
انا نسمة فرح معدية
انا ليل بيدوب في شمس الصبحية


مدونتك جميلة وكلامك اجمل
دمت بخير

SHAPE YOUR LIFE (ABOALI) يقول...

انا انسان معاه كيان
وكيان نفسه يبان
يصرخ يقول يتكلم
يعرف يتعلم ينادى
يتاءلم يفرح يقول
انا انسان معاه كيان
وكيانى ثانية لحظة دقيقة
ساعة يوم شهر سنة
ويمكن اكون فيها انسان




جميل جدا الاحساس الرائع بتاعك يا عمود يا نور
وصدق احساسك وصل يا فندم

تقديرى

لــــ زهــــــراء ــــولا يقول...

محمد يا فنان
احنا متفقين انى ارجع اعلق تانى صح الكلام او عندك اى اعتراض
نبدا على بركة الله
بص يا فنان
حلوه البدايه ان وقت وعدى بسرعه دليل على ان الانسان مهما طال عمره فهو برضه قصير وبيمر ويعدى بسرعه ولكما تاكلمت عن الساعه فكرتنى ببيت الشعر اللى بيقول دقات قلب المرء قائله ان الحياه دقائق وثوانى

لما قولت انا دقة قلب فى قلبك نقلت لنا جو رومانسى هادى اوى


تحدثت عن شخصيه ربما كانت شخصيتك او شخصيتى او اى شخصيه اخرى لكنها تحمل الحقيقه كل احد فينا جواه الطفل وجواه الضحكه العميقه وجواه الكثير والكثير لكن مهما كان بداخلنا فان عمرنا قصير جدا جدا لايسع كل هذه الاشياء على بعضها
تقبل اطيب امنياتى لك بالسعاده والفرحه الدائمه والضحكه العميقه وليس مجرد بسمه فقط على الشفاه


زهراء

أحمد عاطف يقول...

كلنا عمرنا قصير يا محمد

بجد على قد انها قصيرة اوي

على اد انها روعه اوي

في حاجه كمان

مبروك الشكل الجديد للمدونة

وباستئذنك تجيب لي رابط التمبليت دا عشان أعربهولك


دي بس تقديرا واعجابا مني بكلامك

Tarkieb يقول...

بالصدفة مريت هنا ...بجد كلام جميل من غير لت وعجن....احييك على المدونة كلها

محمد فؤاد (صاحب عمود النور) يقول...

عاشقة الرومانسية...

مبروك عليكى اول تعليق ههههههه

بصى هو ان شاء الله الديوان هيبقى مطبوع وجارى حاليا الاتفاق مع دور نشر وان شاء الله يعجبكوا
ميرسى ليكى

ــــــــــــــــــــــــــــــــــ

فاتيما...

ميرسى على كلامك الجميل دا يا فاتيما..
المدونة كلها تحت امرك يا باشا
يارب تكون الفكرة وصلت لكل الناس
ميرسى ليكى
ــــــــــــــــــــــــــــــــ

I'm The CraZy One

ميرسى يا هند على كلامك الجميل دا ودايما واللهى منورانى
حلوة معدى دى هههههههه

محمد فؤاد (صاحب عمود النور) يقول...

ابو حميد...

دى متهيالى اول زياره ليك للمدونة ونورتى
معتقدش انها هتعترض دا انا بروج ليهم هههههههه مع انى مش مدخن بس انت لما هتقرا الديوان هتفهم انا اقصد ايه

ــــــــــــــــــــــــــــ

......
romnsy

ايه ياعم الشعر الجامد دا؟؟
لا بجد تسلم ايديك
نورتنى يا زعيم
ــــــــــــــــــــــــــــ
star in the sky...

ربنا يخليكى على كلامك الجميل دا وياريت تكون مش اخر زياره
الاسم حلو قوووي star in the sky

محمد فؤاد (صاحب عمود النور) يقول...

Soul.o0o.Whisper....
ياستى من غير اى تعليق كفايه انك نورتينى فى المدونة ميرسى ليكى
ـــــــــــــــــــــــــــ
شيماااااا...

هو انتى ماكنتيش ناويه تجى حفل التوقيع؟؟؟ ينهار ابيض
لا تعالى انت بس وماتخفيش مش هنكرك هههههههه
لا هو مافهوش رباعيات..
الرباعيات هتبقى كتاب لوحده ان شاء الله
ـــــــــــــــــــــــــــ
صيدلانيه طالعه نازله..

ميرسى يا دكتورة

محمد فؤاد (صاحب عمود النور) يقول...

سستيته..

واللهى ولا غتاته ولا اى حاجه ربنا يخليكى بجد ميرسى على التصحيح دا
حاجه بجد تبسطنى جدااا ان كلامى بيمس جواك يا دكتورة
ــــــــــــــــــــــــــــــ

حلمى البعيد...

حاضر ان شاء الله هنزل الديوان بسرعه ههههه
منورانى
ــــــــــــــــــــــــــــــ

بسكوته...
لو انا احساسى عالى يبقى انتى احساسك ايه؟؟
يابتى كفايه ان كلامك بجد حلو بالانجليزى امال لو كتبتيه بالعربى
بجد انتى مميزة
ـــــــــــــــــــــــــــــــ

قلم رصاص...

ههههههههههههههههههههههه
تاخد سجارة؟؟؟

محمد فؤاد (صاحب عمود النور) يقول...

حلم كان...

الله يبارك فيكى وعقبالك وحمد لله على السلامة من الامتحانات ههههههه

ـــــــــــــــــــــــــــــــ
ريم..........

انتى اللى فين انا كل يوم موجود طمنينى عليكى
ــــــــــــــــــــــــــــــــ
محمد عبدالرحمن شحاته..

ياباشا من ماتقول هتوصلك النسخه لحد عندك
عايز اشوفك فى اى لقاء مدونين بعد كدا

محمد فؤاد (صاحب عمود النور) يقول...

واحده وخلاص..

ايه الشعر الجميل دا ميرسى على كلامك الجميل
نورتينى بجد
ـــــــــــــــــــــــــــــــــــ

ابو على..

انا انسان معاه كيان
وكيان نفسه يبان
يصرخ يقول يتكلم
يعرف يتعلم ينادى
يتاءلم يفرح يقول
انا انسان معاه كيان
وكيانى ثانية لحظة دقيقة
ساعة يوم شهر سنة
ويمكن اكون فيها انسان

مش لاقى كلام بعد كلامك

محمد فؤاد (صاحب عمود النور) يقول...

احمد عاطف..

ازيك يا ابو حميد ؟؟فينك مختفى بقالك كتير ..يارب يكون السبب خير
ميرسى على كلامك الجميل يا احمد وربنا يعزك
اللينك اهو اتفضل:
http://btemplates.com


ـــــــــــــــــــــــــــــــــ

محمد فؤاد (صاحب عمود النور) يقول...

Tarkieb...

طيب كويس ان الصدفه خليتك تزورنى ونورتى بجد ميرسى ليك..
ــــــــــــــــــــــــــــــــ

محمد فؤاد (صاحب عمود النور) يقول...

زهراء....

بصى انا كل مرة لما تعلقى عندى بجد مش بلاقى كلام ارد بيه عليكى
انتى فعلا فنااانه واستاذه فى النقد الفنى ولالالالازم تعملوا الموضوع اللى قولت عليه لولا وهينجح الموضوع دا جداااا ان شاء الله
زهرا انتى بجد فنانه وبتعرفى تقيمى الحاجه اللى قدامك
انتى ولولا اساتذه فى النقد الفنى
بجد انا اتشرفت جدااااا بمعرفتكوااا

Cute Kitty **sookra يقول...

مبرووووووووك الديوان مقدما ويلا بسرعه انشره عشان اقراه وطبعا هيكون هديه منك بمناسبه اى حاجه
تسلم ايديك
مساك شيكولاته

هناء محمود يقول...

انت أنهى واحد بالظبط فى ده كله

بس حلوة وحاسة إن كلها متعلقة بالوقت

ماشاء الله إنت هتعمل ديوان بالتوفيق إن شاء الله ... عقبالى يارب

محمد فؤاد (صاحب عمود النور) يقول...

sookra...

الله يبارك فيكى وميرسى لكلامك الجميل
نورتينى

محمد فؤاد (صاحب عمود النور) يقول...

أم .. بوبه...

انا كل دا مرة واحده كدا
عقبالك ان شاء الله

Mano يقول...

بجد تحفة
تسلم ايديك
وكمان انتي مختار اسم للديوان
خلتني متشوق بجد اني اقرأه
تحياتي ليك ولديوانك
واتمني تزورني بمدونتي الجديدة
http://samtelghrob.blogspot.com

ghada mOhsen يقول...

حلو كتيييير كلماتك يامحمد ...

والف مبروك على الديوان من دلوقتى ...

وان شاء الله احضر حفل توقيعوا على خير ...

دمت دائما ُ متألقا بحروفك ...

... ;) ,,, ;) ...

Tamer Nabil Moussa يقول...

اول مرة اجى هنا ومش الاخيرة ان شاء الله

كلماتك جميلة ومعبرة

تسلم عليها

مع خالص تحياتى

لــــ زهــــــراء ــــولا يقول...

فؤاد (صاحب عمود النور) يقول...
لولا....
انا قولت اسيبك اخر رد عشان اعرف ارد بدماغ


" يشرفني ردك ولو اني فكرت اني زهقتك هههههههههه :d"

وانا من رئي المتواضع انك تعملى فى البلوج بتاعك بوستات تحليل نقدى للمقالات او الشعر اللى بتقريه فى المدونات الاخرى وتعلنى عن صاحب المدونة صدقينى هتبقى فكرة حلوة قوووى


" فكرة جميييييييييلة ان شاء الله نبقى نتكلم عن الفكرة دي بأستفاضة اكتر "

وسلامى لزهراء
" ههه انت وصلتلها السلام بنفسك ):):تماااااااااام "


صاحب عمود النور) يقول...
زهراء....

انتى ولولا اساتذه فى النقد الفنى
بجد انا اتشرفت جدااااا بمعرفتكوااا

" ربنا يعزك ياااااااارب ويرفع قدرك ..ويسعد قلبك ..):):"

ارووووووح اقرأ بقى بتمعن واجي اعلق ان شاء الله

سلاموز موقت ):):"

لــــ زهــــــراء ــــولا يقول...

نسيت امضي :d
لـــولا ):):

محمد فؤاد (صاحب عمود النور) يقول...

mano...
نورتينى يا كبير وتسلم على الكلام الجميل دا يا زعيم وان شاء الله الديوان يعجبك

محمد فؤاد (صاحب عمود النور) يقول...

ghada mOhsen..

ميرسى يا غاده لعى متابعتك وكلامك الجميل دا
واللهى انتى دايما منورانى

محمد فؤاد (صاحب عمود النور) يقول...

tamer nabil
ميرسى يا كبير على الكلام الحلو دا وياريت ماتبقاش اخر مرة يا معلم

MaNoOoSh يقول...

أشعارك خفيفة وتدخل القلب بسرعة


وأكيد الديوان دة لما ينزل لازم اقرأة ان شاء الله

بس انت نزله وقلنا علطول

لــــ زهــــــراء ــــولا يقول...
أزال المؤلف هذا التعليق.
hend mossallam يقول...

3alafekra ba2a 2l post dah fazii3 fazii3 :D:Dmsh hayenfa3 keda:)

Unknown يقول...

حلوة اوى !
واسم الديوان
ملوش حل:سيجارة فرط!

Unknown يقول...

التدخين ضار بالصحة
على فكرة يعنى :معلش
ما هو أنا طبيبة ولازم
اشوف شغلى :)كلامك حلو
لكن التدخين وحش:)تحياتى.

لــــ زهــــــراء ــــولا يقول...

السلام عليكم ورحمة الله وبركاته

بص بقى حضرتك انا قرأت الشعر ده من امبارح للنهاردة لدلوقتي كتير جداااااااً

احساس جوايا ملخبطني بس احساس حلو تعرف انا كل مرة احس بوقع كلماتك صداها بيقولي انك بتتكلم عن الزمن اللي موجود في كل مكان في الساعة اللي ع الحيطة والزمن بيجري فيها بسرعة ...او بمروره بيرسم ضحكة على ثغر طفل او في احياناً اخرى بيرسم دمعة حزن ..بس مهما طال عمر الزمن هو برضه في الاخر عمره قصير ..
الساعة عقاربها هتوقف بوقوفه...
نبضة القلب هتموت جوانا بموته..
هتتوقف الدموع في عيونا وهتجف في ينابيعها ..
وكذلك الابتسامات ..
هتتوقف في الحناجر الصرخات ...
ليعلن الزمن على الملأ موته .
وقد تكون ابياتك الرااائعة تجربة انسانية لما يمر به الانسان من حالات متباينة
وقت يمر من عمره ..عقارب تتحرك تلتهم اوقاتنا على الحائط مشكله بمرورها خطوط وعلامات الشيخوخة على وجوهنا ...صرخة الم او صقفة تشجيع..بسمة فرحة ..او دمعة حزن ..هذا هو الانسان وفي النهاية كل شئ يسكن بلا حراك ...لقد توقف الزمن بداخله ..مرة اخرى الزمن ينصب في الاحداث ليشكل لنا نهاية
الرحلة ...رحلة الانسان
حلوة الصورة اللي فيها خريطة وطائرة واسماء بلدان وخطوط جوية مرسومة وقد تكون مزيج من اشياء مختلطة عبرت في اجمال عن تفصيل حملته الينا بعد ذلك في ابياتك

دُمت مبدع ومتألق يافنان ):):

ــــــــــــــــــــــــــــــــ
هو انا ممكن بعد اذنك احلل صورة بوست سكين؟ اصلها استفذت احساس جوايا

:d

وخوفت اقوله اكون رغيت كتير هناك
x-x x-x x-x
* شايف نصل السكين مقلوب ازاي لفوق رغم ان الطبيعي يكون النصل لتحت لكن اللي يمسك السكين بالشكل ده لاما غشيم عمره ما مسك سكين او قاسي قوي لان الطعنة في الحالة دي هتكون اعنف اقووووي لان اختراق السكين للجسد من دون النصل اقسى وضربته وقعها اصعب ...
* شايف ان خيال السكين محتلة مكان من الجسد اكبر حيز ومساحة من السكين نفسه !! معناها ان الضربة الالامها النفسية كانت اكبر من الحقيقية
وكمان طولها اكبر من الواقع يعني اثرها جوه اعمق . *

* لفتة الانسان المطعون يتجه برأسه ناحية اليسار ناحية القلب يعني لسة مش مصدق ان فيه حد واقف بظاهرة ومش متوقع طعنة الغدر وبيستدير بنية لا تحمل اي اشارة انه متوقع اي غدر

* شايف قبضة ايد الطاعن ماسكة السكين بقوة ازاي !! اذا كانت اصابعه الاربعة هي الظاهرة لنا فأن هناك اصبع مختفي
رغم طعنته فأن هناك مثل يقول اذا اشرت بأصبع الاتهام على احد فأعلم أن هناك ثلاثه اصابع تشير اليك
يعني لو ابهام الطاعن طعنك انت واشار اليك ..فأن قبضة يده واصابعة الاخرى تشير اليه هو ...
كم من طاعن وقاتل ينفذ جريمته ويحطم حياة انسان وينهار بداخله من ضميرة الالاف المرات ويُقتل بداخله الالاف المرات.


انا مييين بقى؟

لـــولا يافندم ):):
السلام عليكم ورحمة الله وبركاته

Unknown يقول...

انا موجة فى بحر عاصف
انا قطر مطر فى ليل شتا
انا لحظة صدق مع النفس
الله عليك
سلمت يداك بجد احساسك عالى جدا

محمد فؤاد (صاحب عمود النور) يقول...

لولا وزهرا..

مازلت ومصمم انكم مختلفين تمامااا ومميزين فى النقد الفنى ومصمم انكوا لازم تبدأ بالفكرة اللى اتناقشت معاكوا فيها..

انا متشكر جدااااااااااااااااا على نقدكم الفنى واللى بيعكس جانب كبير من الفن والوعى الثقافى والدراسة المتفهمه والواعيه وانكوا فعلا قدرتوا تستفادوا بالعلم اللى اتعلمتوه وتفيدونى انا شخصيا فى التحليل للشعر اللى بكتبه
وبجد انا واخد منكم اكتر من حقى
ومرة تانيه انا متشكر جدااااااا ليكوا
(لولا وزهرا)

فؤاد

محمد فؤاد (صاحب عمود النور) يقول...

I'm The CraZy One....

هههههههههههههه صح يا هند مش هينفع كدا. طب اعمل ايه ؟؟ ههههههههه

محمد فؤاد (صاحب عمود النور) يقول...

norahaty...

انا اكتر واحد بيكره التدخين وانا مش مدخن
بس لما تقرى الديوان ان شاء الله هتعرفى انا اقصد ايه
نورتينى يا دكتورة

محمد فؤاد (صاحب عمود النور) يقول...

نهر الحب...

انا لحظة صدق مع النفس
عاجبتنى الجمله دى جداااااااااا
بس تفتكرى كام مرة الواحد قعد فى لحظة صدق مع النفس؟؟؟

فيشة بنت كبس يقول...

تحفة تحفة تحفة:)