الاثنين، 3 مايو 2010

جوانيات-1


عندما قالى لى: تعبت من عرض الحائط الذى اقف امامه لكى احركه افكر كل يوم ماذا اصنع لغدا لاتعتقد اننى اتكلم عن غدا اى اليوم القادم لا بل اتكلم عند 10 أعوام قادمة افكر فى خطتى المستقبليه ارى النجوم فى السماء مصابيح رائعه فافكر لماذا لم استطع ان اصل اليها ..ها انا ذا اتحدث بكل ثقة وحماس ولكن لماذا هذا الحديد الذى يسلسل قدمى ..تعرف كلما صادفنى افيش فيلم عصافير النيل اترك كل الافيش واقف اتامل تلك الحمامة التى تسلسل اقدمها بقيود قدت من حديد ..واتامل نفسى وانا مثلها ..نعم افكر جيدا راسما بحروف صنعتها خبرتى كاتبا بها خطتى القادمة..لاتنظر لى هكذا ارتدى حذائى وانت تعرف كيف اسير فى طريقى..انا اعرف انك تتحدث بداخلك وتقول لماذا انت هكذا تستعجل الحياه؟..تعالى معى واحسبها جيدا لوادركت الحقيقى مثلما ادركها لعلمت اننى انا الصواب.

ثم جاء ردى:

انا شوفت نجمه فى السما فى عز سواد الليل

حاولت كتير اطير امسكها لكن مافيش بديل

بكيت فى حضن الليل ودموعى غرقانه فى احضانه

ابتسم الليل وقالى سيبها يمكن تكون لك فى يوم دليل


هناك 23 تعليقًا:

لــــ زهــــــراء ــــولا يقول...

محمد

تصفيق حااااااااااااااد على الجوانيات اكتر من رائعه بجد
مالهاش حل والله
الرباعيه خطيره جدا جدا
طبعا انت عارف ليا تعليق مطول لكن دى بس كلمتين ع السريع
يا صباح اللغه العربيه والمصطلحات الحامده اخر حاجه

اخيرا شوفت بوست من جديد عندك بس تصديق كان يستاهل كل فترة الغياب دى لانه حاجه تحفه بجد ....
لى تعليق تانى طويل ان شاء الله

زهـــــــــراء

Ramy يقول...

جوانيات جامدة

بس دة صح اللى انت بتفكر فية ل10 سنين قدام

ودة وقتها صدقنى اوعى تضيع اى فرصة تجيلك ان انت تبقى احسن

فى شغلك فى اسرتك فى كل حياتك

دة عن تجربة شخصية

وربنا يوفقك

الشعر اللى انت قايلة جامد


شكرا جدا

SHAPE YOUR LIFE (ABOALI) يقول...

النجوم..المستقبل..القيود..الطموح..الثقه..الحماس ..........الى اخر تلك الكلمات التى جاءت بين سطور موضوعك ,فكل كلمه من هذه الكلمات اساس ومعنى رئيسى فى الحياه فلا توجد حياه طبيعيه تخلو من هذه المعانى ..ولكن المشكله اصبحت ان الانسان لم يعد يعرف كيف ينظر نظره صحيحه لهذه المعانى وكيف يتعامل فكره واحساسه معها ..كيف يتعلم ان النجوم ستظل دائما دليل وليس المطلوب منه ان يصل اليها فى السماء ولكن المطلوب ان يكون نجم مضىء ومرشد على الارض يمشى بين الناس ليكون دليل بينهم ...كيف يتعلم ان ينظر الى المستقبل بكل تحدى وامل وواقعيه ويعرف ان النجاح لن ياتى بدون عقبات ..كيف ينظر للقيود والسلاسل على انها تحديات طبيعيه تواجهه وعليه الا يكون دوره فقط متاملا لهذه القيوم ويبكى تحسرا على نفسه ولكن عليه الا يستسلم لها ويبحث عن مفتاح ليتحرر منها وينطلق ساعيا فى تحقيق حلمه ..كيف يتعلم ان الله حتما لا يضيع اجر من احسن عملا ولكن مطلوب المزيد والمزيد من العمل لنجنى الثمر المرجو ....كيف يتعلم الفرق بين التخطيط للمستقبل بطموح وحماس وبين التخطيط الخيالى الذى يرسم فيه اشياء تفوق طاقته وقدراته مما يعجزه نفسيا ويجعله ثابت فى مكانه ...كل فرد فينا يستطيع النجاح لان يقينا الله اعطاه ما يميزه بيه عن غيره ...وكل انسان سيحاسب كيف استغل هذه القدرات وهذه النعم وهل كان واثق يقين الثقه فى الله ام كان دائما متوجس خوفا ورعبا من المستقبل .


تحياتى ليك يا محمد وجعلك الله دائما عمود نور بل نجم لتنير الطريق لنفسك ولمن حولك .

غير معرف يقول...

اولا الشعر حلو جدا جدا والكلام كمان حلو اوي بس انت لازم متستسلمش للقيود دي هيا دي الاختبارات و العقبات اللي ربنا بيحطها في حيتناعلشان يختبر صبرنا وقوة ايمانا ولازم تكون واثق في ربنا وطول ما انت مش بتستسلم للقيود دي هتقدر تتخطاها وطول ما انت بتحلم وبتسعي انك تحقق حلمك لازم ان شاء الله توصل وانا شايفة انك انسان طموح جدا وذكي وبتسعي دائما انك تكون افضل اكيد ربنا مش هيضيع جهدك علي الفاضي بس انا واثقة انك في يوم من الايام هتبقي حاجة كبيرة اوي ( بس لو مستسلمتش للظروف واتنازلت عن حلمك) ربنا يوفقك وتفضل تتحفنا بكتاباتك وتكون متاحة لكل الناس علشان يعرفو مين هو صاحب عمود النور اسفة اني اطالت عليك


ام عمر

لــــ زهــــــراء ــــولا يقول...

محمد

ورجعت لك من تانى

اول حاجه عنوان البوست جوانيات حاسه انه كلام خرج من القلب ومشاعر انطلقت من القلب الى اليد فخرجت فى شكل تلك الحروف الرشيقه الجميله وده سبب انها توصل لقلبى بسرعه غير عاديه


كل واحد فينا هو هذا الشخص الذى يحاول ان يفكر جاهدا فى غدا يعنى بعد شهر او سنه وفينا كمان اللى بيحاول انه يبص لبعيد شويه
وبرضه كلنا نمتلك هذا الحائط بشكل او باخر ....
الحائط ده ممكن يكون كلام الناس اللى بيصدمك او ممكن يكون واقع مؤلم جدا وكمان ممكن يكون بعض الاشخاص اللى بتحاول تحطم كل حاجه واى حاجه جواك
يعنى الخلاصه كل واحد عنده الحائط اللى مش عارف يعمل معاه اى حاجه ...

بعضنا يمتلك الحلم و يحاول ان يصل الى سابع سما وقليل جدا من يحاول ان يصل واقل القليل هو من يصل الى تحقيق هذا الحلم
انت عارف ان افيش الفيلم تحفه بجد وان شاء الله هادخل اشوف الفيلم علشان افيشه وابقى حكى عنه باذن الله ....


كل واحد فينا مش بيعرف يحس بالاخر غير لو حط نفسه مكانه علشان كده هو طلب منك انك ترتدى حذائه...

يخيل لى ان هذا الحوار بين محمد فؤاد ونفسه حوار جوانى اوى داخلى جدا ...

اما ردك بالرباعيه تحفه طبعا
انت عارف شكل النجمه فى السما فى عز سواد الليل بتكون عباره عن بريق امل وتعطى انطباع ان رغم الظلام الحالك الدامس لكن هناك امل ولو بسيط


كلما تحاول الارتفاع عاليا لا تستطيع ان تمسكها وهذا ليس بدليل على ضعفك ولكن ما باليد اى حيله



"بكيت فى حضن الليل ودموعى غرقانه فى احضانه "

واااااااااو
وصف تحفه وكأن الليل بكل عتمته ياخدك بين احضانه وصفك للدموع بانها غرقانه دليل على انها كتير جدا جدا


"ابتسم الليل وقالى سيبها يمكن تكون لك فى يوم دليل "

حلوه اوى الابتسامه اللى عرفت طريقها فى وسط هذا الظلام والنصيحه كمان
يعنى مش لازم توصل لحلمك البعيد اوى خليه موجود يمكن يكون هدف لاحلام اخرى تكون اقرب وكمان يكون تحقيقها اسهل لك بكتير


كالعاده رغيت وطبعا انت عارف انى مهما اتكلمت هنا باحس برضه انى مقصره


اول حاجه لك باللغه العربيه طبعا تحفه
الكلام واخد شكل القصه القصيره واحييك بجد وانا متاكده انها اخدت منك مجهود علشان تكون بالروعه دى...
من قلبى اتمنى لك التوفيق فى كل خطوه من خطوات حياتك وانت عارف مهما قولت لك مش ممكن اوفيك حقك لانك عن جد فنان وقبل كده ده انسان جميل اوى واخ جدع جدا وصديق وفى اوى اوى

زهــــــــــراء

ستيتة يقول...

شجن
بس شجن فلسفي رائع
فعلا يمكن اللي معرفتش تطوله يكون في يوم لك دليل
والله خطر في بالي حاجات كتير من الجملة دي

تحياتي

غير معرف يقول...

يمكن

عجبنى الحوار

صيدلانيه طالعه نازله يقول...

فشلك انك تطول النجمه حيخليك تفضل طوووول عمرك تحاول تعلى و تعلى عشان تطولها و يخليك دايما فى حاله تحدى لنفسك و لقيودك اللى حابساك و مقيداك

و يوم ما حتقدر تعلى و انت كاسر قيودك
النجمه حتكون ليك جايزه بعد ما كانت بس دليل

كلامك حلو قوى

Remas يقول...

جوانيات تحفة يامحمد

حلو اوى اللى مش نعرف نطوله يمكن يكون لنا دليل في خطانا

بحب اوى رباعياتك يا محمد

وبعدين انت فين ؟؟؟؟؟

طمنى عليك

حلمى البعيد يقول...

إزيك يا محمد
يارب تكون بخير وفي كامل صحتك
دمت رائع ومبدع
إسلوبك رائع أحييك عليه
تحياتى

قلم رصاص يقول...

الله عليك يامحمد
متميز بجد

مزيد من الإبداع

تقبل مروري وتحيتي

ليله شتاء يقول...

السلام عليكم
حلو الحوار
والأسلوب جميل وراقى جداا

((( لوادركت الحقيقى مثلما ادركها لعلمت اننى انا الصواب.)))

عجبنى التعبير ده أووووووى

زيارتى الأولى وان شاء الله مش الخيرة
أتمنى أن تقبل مرورى

دام قلمك

صباح الخير يقول...

انا شوفت نجمه فى السما فى عز سواد الليل
حاولت كتير اطير امسكها لكن مافيش بديل
بكيت فى حضن الليل ودموعى غرقانه فى احضانه
ابتسم الليل وقالى سيبها يمكن تكون لك فى يوم دليل


كلمات بسيطه لكنها فلسفة عميقه
حاكت الحقيقه
فأصبحت حكمه

جميل قوووووى
تحياتى وخالص تقديرى

محمد فؤاد (صاحب عمود النور) يقول...

زهراء

دايما بيجى ردك وتعليق عشان يوقف اى كلام ممكن اقوله
يمكن كلامك ليا استفزنى انى ارجع اكتب تانى وانزل بوست جديد ومانكرش انك شجعتينى انى انزل الفكرة دى
شكرا جدااا لنقدك اللى دايما بيدفعنى للامام وبيخلينى اخد بالى من اللى بكتبه

محمد فؤاد (صاحب عمود النور) يقول...

samy
صدقنى انا عارف ان دا صح ان الواحد يفكر ل10 سنين قدام بس عارف لماتحس انك عايز تنط فوووق وتكتشف ان الواقع بيخليك كدا واقف تحت بس انا مقتنع ان اللى عايز حاجه هيعملها

محمد فؤاد (صاحب عمود النور) يقول...

SHAPE YOUR LIFE (ABOALI)

صدقنى الواحد عنده طموح يهد جبااااال بس انت فعلا زى ماقولت لازم عقبات ولازم نعديها عشان نحس بقيمة اللى بتعمله

محمد فؤاد (صاحب عمود النور) يقول...

ام عمر...

ميرسى على تعليقك ونورتى المدونة وياريت ماتكونش اخر زياره

اكيد مش هستسلم للقيود ومحدش يرضى ان يكون حلم ويستسلم للقيود وربنا يقوينا

محمد فؤاد (صاحب عمود النور) يقول...

ستيتة حسب الله الحمش


ميرسى لكلامك الجميل يا دكتور
بس ايه اللى خطر فى بالك؟؟؟

محمد فؤاد (صاحب عمود النور) يقول...

star in the sky

يمكن؟؟؟
ومالك مش واثقة ليه؟؟
لا ان شاء الله اكيد


ــــــــــــــــــــــــــــــــــ

صيدلانيه طالعه نازله

ان شاء الله كل اللى عنده حلم وشايف النجمة هيقدر طالما هو عايز وطالما هو قادر

shimaa elkholy يقول...

جميله يا محمد

ارجع اكتب بقى وبلاش كسل

النجمه طول ما هى عاليه فى السما هاتفضل منوره

جايز لما تلمسحها تحرقك ولما تحضنها توجعك

محمد فؤاد (صاحب عمود النور) يقول...

Reem...
ميرسى ليكى ياريم
ساعات بحس ان فى ناس بتتأثر بكلامى شويه وانتى منهم مش صح؟؟؟
بس طبعا التأثير دا بالايجاب ههههههه
انا موجود والحمد لله بخير بس بيجى عليا وقت ببقى مش عايز اكتب فيه حاجه

محمد فؤاد (صاحب عمود النور) يقول...

حلمى البعيد...

انا الحمد لله بخير وجزاكى الله خير على الكلام الجميل

ـــــــــــــــــــــــــــــــــــ
قلم رصاص..
ازيك يا معلم عامل ايه؟؟
ميرسى لمرورك

Unknown يقول...

محمد
بجد جوانيات دى تحفه
ببقى مبسوطه اوى وانا بقرا كل حرف من كلامك
انا بحس ان كلامك بيدخل جوايا بيوصف اللىا حاسه بيه ونفسى اقوله
كمل كتابه وانا هكمل اقرالك وطول ماعندك حلم متستسلمش غير لما تحققه اليأس شئ وحش الاحساس بوجوده فحياتنا كتير بس لازم نعديه ونكمل نحلم واكيد بعد 10 سنين زى ماقلت هتكون حياتنا احسن