الأحد، 7 مارس 2010

ايه اكتر حاجه ممكن تدخل القلب بسرعه؟؟


هديه يكون الواحد بيفكر فيها واللى بيحبك يجبهاله

حد يسال عليك من غير لما يكون عايز حاجه معينه

مشهد رومانسى تحسه قوى

جمله ترجعك 10 سنين لورا

صورة عليها تراب وتشوف نفسك فيها وانت صغير جنب ناس راحوا من الدنيا او ماشفتهمش بقالك كتير
واخيرا..........

كلمه بحبـــــــــــــــــــــــــــك

هناك 38 تعليقًا:

أحمد عبد الحميد يقول...

فى حاجات تانية برضه:
- أكلة سمك وجمبرى حلوة
- خروجة فى مكان رومانتيكى مع المودام
- العيال يبقوا حلوين ولطاف ويبطلوا شقاوة
- قعدة على القهوة مع شلة الصحاب القدام

إيه ده.. معلش يا محمد باشا شكلى خرجت عن الموضوع وعمال أقول اللى نفسى فيه

محمد فؤاد (صاحب عمود النور) يقول...

ههههههههههههه

لا براحتك خااااااااالص
بس مش دا اللى انا اقصد يا معلم احمد

بس قشطة عادى

صيدلانيه طالعه نازله يقول...

حد يسال عليك من غير لما يكون عايز حاجه معينه

دى تفرق معايا كتييييييييير
اصلها معناها انك عزيز عليه و بيحبك فى الله بعيد عن المصالح و النفاق
اصل انا كده مع اصحابى و بيصعب عليا قوى انهم يكلمونى اما يكونوا عايزين حاجه بس
لانى دايما بافتكرهم من غير مصالح و لا طلبات

بوست جميل قوى و جه فى وقته

محمد فؤاد (صاحب عمود النور) يقول...

صيدلانيه طالعه نازله...
انا فعلا حستها لما لاقيت ناس صحابى بيتصلوا بيا من غير اى حاجه وكان بقالى فترة ماعرفش عنهم حاجه
احساس جميل جداااااا

نورتينى يا دكتورة

Haytham Alsayes يقول...

الله عليك ياحمد نفس الكلام الي حسه فعلا ساعات الواحد منا بيتذكر الماضي والناس الي راحوا ويشفوهم في الصور مفيش حاجة تبقي غير الذكرة الحلوة
وفي ذلك عبرة
تقبل تحياتي
وارجو التواصل

Haytham Alsayes يقول...

معلش انت محمد مش احمد بس كلها اسامى حلوة

Baskouta يقول...

ايه اكتر حاجة ممكن تدخل القلب بسرعة؟؟؟

اممممممم
بوكيه ورد لونه روز
ملفوف في غلاف روز
ومربوط بفيونكة روز

يجيلك وانت لابس روز وعندك مدونة لونها روز...تبقا احلى مفجأة روز
بجد دي اسرع حاجة تدخل القلب

تحياتي البسكوتية

محمد فؤاد (صاحب عمود النور) يقول...

Haytham Alsayes...
ياعم مش فارقه احمد او محمد كلها اسامى ربنا هههههههههههه

منورنى يا هيثم

محمد فؤاد (صاحب عمود النور) يقول...

Baskouta....
ايه دا ؟؟
دا مين اللى خالا الليله لونها رووووزهههههههههههههه

ربنا يسعدك يا بسكوتة وتبقى كدا مبسوطة على طول

لــــ زهــــــراء ــــولا يقول...

محمد

يا فناااااان
انا عارفه انى مقصره فى السؤال عنك بس ربنا يعلم انى مش مشغوله لكن مطحونه


حلو اوى عنوان البوست
رغم ان كلماته على غير العاده كتير لكنه حلو
الصوره كمان معبره اوى
تسلم الايادى

اول حاجه انت قولتها هى هديه على اعتبار ان الهديه شئ مادى ملموس ممكن يدخل السرور الى قلب اى انسان ...
وبعدين جت لك من غير ما تدفع فيها اى مليم ابيض معلش ابيض علشان انا زملكاويه :->
حلوه البدايه كده

تانى حاجه بجد انت كتبتها هى اهم حاجه لانها تعبر عن الحب فى الله وده اجمل حاجه لما تلاقى حد بيسال عنك وهو مش عاوز منك اى حاجه

اما بقى المشهد الرومانسى انا مش ليا فيه معلش يعنى مش ليا فى الرومانسيه خالص مالص

جمله ترجعنى عشر سنين يعنى ارجع بيبى تانى هما يا دوب العشر سنين عمرى كله هههههههههههه

الصوره برضه عادى مش تلمس جواايا حاجه
يمكن كملة بحبك وخاصة لو بصدق بجد تبقى حلوه وتحفه

بص يا محمد بعد كل الدوشه اللى قولتها اكتر حاجه بتفرحنى بجد وممكن اطير من الفرح ان حد يسال عنى من غير سبب لله فى لله دى اكتر حاجه تفرح قلبى

ربنا يفرح قلبك يا فنان
اوعى تزعل انى مقصره فى السؤال ربنا عالم بظروفى

زهراء

sony2000 يقول...

اهو كول اللي قولته دا لو اتجمع بيخلي الانسان مبسوط ديما
يارب الناس تحب بعضها من غير مصالح ويكون مبنهم ود ورحمه
بجد دا هيشيل كتييييييير اوي من نفوس الناس
تقبل مروري وتحياتي

SHAPE YOUR LIFE (ABOALI) يقول...

كلمة صدق فى لحظة يقين
سجدة فى لحظة حنين
ركعة فى جوف ليل حيران
دعاء فى طلة مطر انهار
بسمه عين والنن حارس ولهان
شربة ماء وسط نيران صحراء
كلمة تتدخل قلبك يطويها ويحس الامان
عمود نور يكون نور لقلوب العباد

تقبل مرورى

ستيتة يقول...

اكتر حاجة ممكن تدخل القلب بسرعة
نظرة حنان واهتمام حقيقي غير مصطنع
النظرة دي بألف كلمة احبك

الصدق في التعبير
ايا كان شكل التعبير

يدخل القلب بلا استئذان

تحياتي يا محمد

Ms Venus يقول...

حاجات كتير اوى تدخل القلب

بس اكتر حاجة هى الكلمة الصادقة والاحساس الصادق

اللى القلب يسمعه ويحسه قبل ما الاذن تسمع


تحية ليك

غير معرف يقول...

عن نفسي .. أسرع حاجه بتدخل قلبي .. هما البني آدمين .. لما تحسهم كده طيبين و زي الملايكه .. حتى لو معرفهمش

انما لو عملولي حاجه جرحتني .. بيطلعو من قلبي أسرع من لما دخلو .. و بكرههم بجد

مشكور على الاستطلاع الرائع .. و استمتعت بقراءة تعليقات القراء كمان

يا ريت تنورني هنا بس من غير تريقه عشان انا لسه في كي جي تدوين

http://ahmedabdulmohsin.blogspot.com/

مستنيك تنورني

حلمى البعيد يقول...

ازيك يا محمد

شفت المدونه نورت بيا إزاى

أى حاجه صادقه أو حاجه مش متوقعه إنها تحصل أو حلمت بيها لازم تدخل القلب علي طول

أو أى كلمه من الناس اللي بنشوفهم بقلوبنا بيبقي كل حاجه حلوه او وحشه يعملوها بتبقي جو القلب محفوره فيه

الابتسامه الصافيه بتدخل القلب بسرعه والروح الحلوه والناس المتواضعه

وحاجات كتير اوى

بس انت مدونتك صغيره مش هتكفي انى اكتبها

تحياتى

shimaa elkholy يقول...

طب مش تتكسف طيب وتسأل عليا

ايه الناس دي

انت فين يا ابنى

عموما انا رايي ان حلة المحشي برضه وفوقيها دكر بط كده ميه ميه تخش على القلب تكتم على مراوحه تبقى تمام يعنى
ههههههههههههههههههه

لا بجد السؤال بجد من غير اي مصلحه بيثلج القلب فعلا

لــــ زهــــــراء ــــولا يقول...

هديه يكون الواحد بيفكر فيها واللى بيحبك يجبهاله

حد يسال عليك من غير لما يكون عايز حاجه معينه

مشهد رومانسى تحسه قوى

جمله ترجعك 10 سنين لورا

صورة عليها تراب وتشوف نفسك فيها وانت صغير جنب ناس راحوا من الدنيا او ماشفتهمش بقالك كتير
واخيرا..........

كلمه بحبـــــــــــــــــــــــــــك



كــــــــــــــل ما سبق يسعدني
لما حد يسأل عليا عشان عايز يسأل عنك مش له مصلحة عندك


لما اشوف مشهد رومانسي عيوني تبكي حب من فرط التأثر

كلمة حلوة ترجعني طفلة بضفاير اكبر همها لعبتها .واقل كلمة تسعدني ..


صورتي وانا صغيرة بعشقها ..لاني لا امتلك زي اي واحدة صور ليها انا امتلك صورتان او ثلاث لا اكثر امي مكنتش تحب تصورني لان كان لدي اخت رحلت عن ديانا كانت جميلة قووووي وبتتصور كتير ومن ساعتها ماما خافت عليا ومش كانت تصورني بس اكيد لما بشوف صورتي دي بكون في قمة سعاتي



كلمة بحبك لما هتتقالي وقلب كبير يستاهل
اكيد هكون طاااايرة من الفرح والفرحة هتدخل لقلبي بسرررررعة

لـــولا

لــــ زهــــــراء ــــولا يقول...

فيه حاجات كتير ممكن تسعد السعادة على قلبي

- وردة جميلة وياسلاااام ان كانت بنفسج.

- شعر جميل اقراءة يلمس بحروفة اوتار قلبي.


- لما اقرأ لك شغل جديد ):):):


- لما اشوف زهرة واخدها في حضني.

- بسمة طفل صغير تهز مشاعري.

- لما طفل يناديني ويقولي ماما الدموع تنتزع من عيني.


- لما اسافر في القطر واسرح بعيييد مع المناظر الحلوة في مخيلتي.


- لما اسعد انسان ولو ببسمة تكفي.


- لما امسح دمعة حد بيبكي.



- لما اخد طفل صغير في حضني.


- لما اكل شوكلاتاية بالبندق وادوووووووووووووب مع كل لحظة فيها.



- لما اقلب في بوستاتك القديمة وانسجم معها .

لـــولا

لــــ زهــــــراء ــــولا يقول...

هديه يكون الواحد بيفكر فيها واللى بيحبك يجبهاله

حد يسال عليك من غير لما يكون عايز حاجه معينه

مشهد رومانسى تحسه قوى

جمله ترجعك 10 سنين لورا

صورة عليها تراب وتشوف نفسك فيها وانت صغير جنب ناس راحوا من الدنيا او ماشفتهمش بقالك كتير
واخيرا..........

كلمه بحبـــــــــــــــــــــــــــك


ازيك يامحمد يارب تكون بخير وسعادة
انت عرفت ايه اللييسعدنا ياترى يا هل ترى اجابتك على البوست ايه؟

حلو قووووووووي البوست بس ليه حاسة فيه بشوية شجن مختلطة بكلماته؟

وياترى النقط اللي على القلب وخيوطة في الصورة ندى ولا دموع؟

من فضلك امسح دموع الندى عن قلبك يافنان ... كل الخيوط مسالك
وكل الطرق للقلب بتمر
بس ياترى ايه هو اللي يفرح معاه القلب



لـــولا وتسلم الايادي يافنان =D>=D>=D>

مجرد حلم صغنتوت يقول...

اكتر حاجة ممكن تدخل القلب بسرعة
*وردة من حد قريب منك
*سؤال من اقرب اصحابك ليك

تصدق معدتش عارفة اطلع حاجات تانية
هي الحاجات دي قلت اوي كده معايا ولا ايه

محمد فؤاد (صاحب عمود النور) يقول...

زهراء...

هى فعلا الاشياء الملموسه اول شئ يدخل القلب او ممكن عند ناس يبقى الاسرع لكن صدقينى كل حاجه انا كاتبها هنا هى فعلا بتدخل القلب بسرعه وخصوصا ان حد يسال عليا من غير اى حاجه ..عندى واحد صاحبى كدا واللهى بيكلمنى من غير اى حاجه

دايما منورانى وتعلقاتك بستناها
انا مش زعلان ولا انتى مقصره انا فاهم الظروف كويس ربنا يعينك

محمد فؤاد (صاحب عمود النور) يقول...

sony2000....

ميرسى لمروورك ونورتينى فى المدونة(:

بصى موضوع ان الناس تحب بعضها دى صعب شوية لازم يطلع فى النص حد مش بيحب الناس او ممكن تلاقى حد مش بيحبك من غير ماتعمليله حاجه اهو كدا رخامه هههههههههه

محمد فؤاد (صاحب عمود النور) يقول...

SHAPE YOUR LIFE (ABOALI
الله دايما بتفجأنى بردودك يا ابو على
كلامتك جميله وعميقة

عمود نور يكون نور لقلوب العباد

ميررسى جدااااااااا على الجملة دى ربنا يعزك

سلامى لزجزج ودم الغزال و بج بج

بوبو يقول...

او ابتسامة حب وشقاوة من اي حد لعمر ابني.. او سؤال عن صحته وصحة ابوه ..بحس ساعتها ان الحد دا اسرني باهتمامه باحبابي.. او واحد يسيب ميدالية مفاتيحه لعمر يلعب بيها وميرضاش يلخدها عشان عمر ميدايقش - رغم اهمية المفاتيح دي عند صاحبها.. واخدلي بالك يا محمد؟

عاشقه الرومانسيه يقول...

"ايه اكتر حاجه ممكن تدخل القلب بسرعه؟؟"
**************
ايد تطبطب عليك وانت بتبكى وتمسح دموعك وتاخدك فى حضنها
يااااااااااه اجمل احساس
(وده باشوفه مع اتنين بسسسس من اصحابى)
علشان كده هما ساكنين قلبى بقوه
(:

Remas يقول...

ازيك يا محمد
عامل ايه

بجد من الحاجات اللى تفرح اوى السؤال عليا كدا حبا في الله مش لاى سبب

واللى عجبنى كمان انك تفكر في حاجة وحبيبك يجيبهالك هدية دى معناها انه جواك وحاسك اوى وكأنه نفسك

دايما كلامك حلو يا محمد

أحمد عاطف يقول...

نظرة العين يا محمد اكتر حاجه بتدخل القلب

لانها اسرع حاجه بتقول وبتتكلم

محمد عبدالرحمن شحاته يقول...

اكيد في ذكريات تعيد مخيلة الإنسان إلى الزمن الجميل . الطفولة . المدرسة
كل شيئ يمر فهو جميل . ولكن بشرط . أن يكون مجرد ذكرى
تقبل مروري

ghada mOhsen يقول...

فى حاجتين بياثروا فيا بجد ..

- حد يسأل عليا من غير مايكون عايز حاجه ...

- والصور القديمه ..مع اغلى واعز ناس ممكن يكونوا رحلوا من الدنيا او موجودين بس بعاد اوى ...

بجد بوست حلو كتير ... وياترى ايش بالنسبه ليك انت ... ولا انت تزنقنا احنا وخلاص هههههههههه


تحياتى لك اخى

... ;) ,,, ;) ...

Humman being يقول...

كلمة حلوة بعد ضيق

طبطبة علينا فى وقت محتاجين فيه ولو لنظرة عطف

حب صادق يسكن القلب ويرجعله شبابه

كلمة مبرووووك على حاجة وتكون صادقة فتخرج من قلب نضيف تطير لقلب أنضف
حاجات كتيييير يا محمد

محمد فؤاد (صاحب عمود النور) يقول...

bobo...

واخدلى بالى ههههههههههههههه

هى حاجات كتير ...بس اهم حاجه تكون بجد تدخل القلب بجد

محمد فؤاد (صاحب عمود النور) يقول...

عاشقه الرومانسيه...

هو فعلا احساس حلو قوووووووى

ربنا يخليلك صحابك

Unknown يقول...

بصراحة البارفانات
ما تستغربش!الروايح
العطرية لها تأثير ساحر
على نفسيتى بجد:)

هناء محمود يقول...

أو إبتسامة طفل بيشوفك لأول مرة


كلمات جميلة وحقيقية

The Queen يقول...

بوست جميل اوي يا محمد
واسمحلي اضيف حاجات تانيه تدخل القلب على طول من غير كلام :
نظرة تشوف فيها حب الدنيا وشوق العالم واهتمام كل الناس من شخص بتحبه .

لما حد يحس انك مضايق من غير ما يبان عليك ، مجرد ان قلبه قاله انك محتاج لحد جنبك ويسألك بصدق " مالك " ؟

لما تجيلك وردة هدية اجمل شئ في الدنيا

بشكرك على البوست ده لانه من انواع الكلام اللي بهتم بيه وبحب اقرأه .. اضافة الى انه جه في وقته ..

تحياتي لك

Unknown يقول...

gamda gamda gamda

sorry ana ba2aly keteer mesh ba7'osh bas el sho3'l kan fazee3 w comp el beit kan bayez
bas harga3 ba2a agy keteer isa

bas tany......... dy gamda awyyyyyyyy

غير معرف يقول...

والاجمل انك وانت بتكتب حاجة ذى كدة تلاقى كل اللى فى نفسه حاجة بيقولها وكدة انت عملت حاجة كويسة لان كل واحد قال ايه اللى بيفكر فيه ومضايقه ومين مشتاقله ومين اعز الناس اليه ومدى اشتياقه لطفولة وناس زمان انا بقى والدى ووالدى واختى وحشووووووووووووونى اوووووووووووووى رحمهم الله