الأحد، 10 يناير 2010

رسالة انتظار

تتلعثم منى الكلمات حين اقف لكى اصفك..وحين اتذكرك فابمجرد دخولك الى عالم خيالى اقف..أذكر وصفك الى أعز اصدقائى أشعر برعشة داخلية واقف.. انتى يامن امتلكتى قلبى وعقلى ووجدانى..اعلم انك لست اجمل الفتيات وليس جمالك مثل جمال مارلين مونرو ولكنى اراكى اجمل نساء الدنيا...
عندما تضحكين أشعر بنسمات الربيع تداعب الجو فى مجلسى فتجعل مواقيد الشموع تتراقص حين اذن افرح لضحك..اخد الكون بين يدى واغنى نغما..الابتسامة فى قاموسك تعد اسمى الكلمات التى قد تعبر عنك فهى مفتاح كل شئ ومفتاح قلبى .. تلك الغمازتين التى خلقها الله على وجنتيكى يجعلونى اتامل قدرة الخالق فى ابداعاتة..أسمعك حين تنطقين حروف اسمى بين شفتيك فتكتب اسمى بحروف من اللؤلؤ ....
ترفعين رأسك الى السماء عاليا فى وضح النهارتسكن اشاعة الشمس عيناكى فتجعلهما قطعة كرستال نادرة الوجود.
اقولها بصوت عالى...انا هنا فى اتنظارك
انا هنا بين يديكى اقف طفلا عابثا
اقف ومها طال الانتظار
ومهما طال الشوق اليكى
اعرف انك وسط جموع النساء موجوده تنتظرينى.. وانا بالمثل انتظرك ....
اغمضى عيناكى معى فى نفس الوقت..فانا الان اراكى..فهل انتى كذلك؟؟!!

هناك 14 تعليقًا:

الشعب لابد له من حكومه تشكمه يقول...

بوست عاتفى:)
ياخلاثى رومانسيه فى عز الضهر:))

كلمات جميله وتلمس القلب بجد.


##فانا الان اراكى فل انتى كذلك؟##
بعد كل ده ومش بتشوفك,نظرها ضعيف ولا ايييييييييه؟ لبسها نضاره او لينسيس:))

يااااااه بقالى كتير مكونتش اول كومنت:)

لــــ زهــــــراء ــــولا يقول...

يا مساء الرومانسيه
ازيك يا محمد
ايه الكلام الجامد اوى ده كله
تحفه بجد مشاعرك حلوه جدا جدا
مع اول سطور قراتها تذكرت اغنية صابر الرباعى اجمل نساء الدنيا
على فكره مش لازم اللى نحبه يكون اجمل حد فى الدنيا كلها لكن يكفى انه اجمل حد فى نظرنا احنا وياريت يفضل اجمل حد فى نظرنا طووووووووووول العمر
اتمنى لك من قلبى السعاده والتوفيق

صبرني يارب يقول...

ايه ده ؟؟

طب مافيش خناقه ولا حاجه زي الى انا شوفتها قبلا ؟؟

ايه الروقان والشمع المعطر ده

بجد حلوه اوي

تسلم اديك

هناء محمود يقول...

ربنا يلمكم فى بيت واحد يارب وتترحموا من لطعة الشمس .. بس يارب يفضل الكلام الرومانسى ده موجود .. وميطلعش من الآثار الجانبية لضربة الشمس

محمد فؤاد (صاحب عمود النور) يقول...

شيما....
اهو الواحد بيغير مود شوية ...حبه رومانسية بقى كفاية النكد اللى بنشوفه كل يوم
لا يابنتى نظرها قوى وبتشوف وزى الفل بس انا مستنيها تيجى ...هتيجى ؟؟؟

محمد فؤاد (صاحب عمود النور) يقول...

لولا وزهرا..
يا مساء الحب والجمال..
فعلا مش لازم اللى احبها تكون اجمل نساء الدنيا كفاية ان جمالها داخلى مش هيكل خارجى

محمد فؤاد (صاحب عمود النور) يقول...

صبرنى يارب..
خناقة ايه يابنتى؟؟ انا ماتخنقتش قبل كدا؟؟ يمكن بس مش واخد بالى حكم السن بقى هههههههههه

محمد فؤاد (صاحب عمود النور) يقول...

أم بوبة..
ولا فى شمس ولا فى اى حاجه والحياة زى الفل وكلة عنب بس هى تيجى مانا مستنى ..ماتيجى بقى ياست انتى هههههههههههه

مسدس صغير يقول...
أزال المؤلف هذا التعليق.
مسدس صغير يقول...

هى تراك
فمتع عينيك برؤيتها
ومتعنا بروعة كلماتك
احييك على الكلمات

محمد فؤاد (صاحب عمود النور) يقول...

عم صلاح..
واحشنى ياااااااا بونتى فينك يا كبير...
معنى انى مغمض عينى فدا يوحى بالخيال فالحبيب فى الخيال بس ان شاء الله هيبقى واقع لكل الناس

فشكووول يقول...

السلام عليكم

متهيأ لى اول مره آجى هنا .. على فكره فيه مدونه تانيه اسمها عمود نور بتاعة احمد


لو كانت القسمه ..يبقى مافيش حاجه حتروح وحتيجى يعنى حتييجى

تحياتى

تحياتى

محمد فؤاد (صاحب عمود النور) يقول...

فشكول....
نورت مدونتى ويارب تبقى ماتبقاش اخر مرة انك تيجى تزورنى ...
هو مستنى وهيفضل مستنى

مجرد حلم صغنتوت يقول...

;)
جاااامدة جدااا يا محمد
حلو جو الرومانسية ده :)