الأحد، 13 ديسمبر 2009

باب


قفلت باب الحزن لاجل ما يجينى وارتاح

لاقيت الحزن مونسنى وداخلى بمفتاح

جريت ورا كل باب يبعدنى عنه..ضحك الحزن

قالى وراك لوحتى كنت فى مصباح

هناك 20 تعليقًا:

الشعب لابد له من حكومه تشكمه يقول...

حلوه اوى بجد..

محمد فؤاد (صاحب عمود النور) يقول...

ميرسى قووى يا شيما واللهى رافعة من روحى المعنوية يا بنت بلدى يا منصورية هههههههه

Armano يقول...

جامدة, وياريت الحزن يسمع كلامك بجد ويسيبنا كلنا نرتاح

محمد فؤاد (صاحب عمود النور) يقول...

ياريت يا ارمانوا يبعد عنا الحزن ويارت احنا كمان نحاول نبعد عنه.
ميرسى على تعليقك ونورت المدونة

أحمد عاطف يقول...

الحزن دا بحالات ... مبيسيبش حد يرتاح اول ما يلاقيك بتاخد نفسك

هووووب يهجم

كلامك عامل زي رباعيات جاهين

تحياتي ليك

blue-wave يقول...

حلوة الرباعيات دى
تسلم دماغك

لــــ زهــــــراء ــــولا يقول...

وليسه الحزن جامد اوى كده
مش عارفه كلامك ليه فكرنى برباعيات صلاح جاهين
بكره الفرج يجى ويدق الباب
تقبل ارق التحايا

محمد فؤاد (صاحب عمود النور) يقول...

احمد عاطف..
فعلا هو الحزن بحالات ممكن تلاقى نفسك كدا مرة واحده حزين من اية ولا تعرف بس فى الاول والاخر الحمد لله

موضوع رباعيات صلاح جاهين دا بيتقالى كتير بس انا شايف هو انه ممكن يبقى اسلوب الرباعية لكن الافكار مختلف تماام

محمد فؤاد (صاحب عمود النور) يقول...

Blue-Wave
نورت مدونتى وميرسى على التعليق

حلوة تسلم دماغك .. جديده (:

محمد فؤاد (صاحب عمود النور) يقول...

لولا وزهراء...
هو الحزن م جامد بس هى حاله ممكن تتعرضى ليها فى اى موقف ساعتها هتفتحى المدونة بتاعتى وتقرى الكلام دا لانك هتحسيه قوووى

موضوع صلاح جاهين دا بدأ يقلقنى بس زى ماقولت لاحمد عاطف انه ممكن يكون اسلوب بس الافكار مختلفه

ونورتى المدونة وهستنى تعلقياتك على طول

VÖltaa يقول...

ايه الحلاوة دى
تسلم ايدك ياباشا
جامدة فعلا

محمد فؤاد (صاحب عمود النور) يقول...

محمد..
ربنا يخليك وميرسى على تعلقيك ونورت المدونة

منــار فايد يقول...

عمود نور
انا سعيده جدا بالتعرف ع مدونتك
وسعيده اكتر بمرورك عندي
وانا قريت حجات في مدونتك ع السريع
عجبتني حجات كتيره
بس اكيد هقراها بتركيز اكتر

بالنسبه للرباعيه
انا ليا الشرف طبعا
ولو ماعندكشي اي مانع اكتبها باسمك في المدونه عندي طبعا

بجد حاجه تفرحني
وانت طبعا نزلها في مدونتك لو حابب
مافيش اي مشكله خالص

هبقى سعيده جدا بمعرفتك
وياريت لو ينفع تسيب ايميلك في تعليق عندي لاني عندي اشراف
وتقولي الرباعيه اللي انت كاتبها

والف شكر واتمنى التواصل طبعا

أميرة علي كوكب مهجور يقول...

متهيالي الحزن مش صبور اوي كده في الاحاطه بينا الا لو كنا احنا عايزين كده

رباعيه حلوة اوي
تسلم ايديك

Unknown يقول...

باختصار شديد
وررراك وراك
والزمن طويل !
ربنا يبعده عننا
كلنا يااااااااارب

محمد فؤاد (صاحب عمود النور) يقول...

شباك موارب/منار...

ميرسى جدا على تعقليك ونورتى المدونة
انا بعتلك الرباعية وايميلى وكمان كتبتها على المدونة عندى يااارب تعجبك

محمد فؤاد (صاحب عمود النور) يقول...

أميرة على كوكب مهجور..
بالظبط الحزن بيحوطنا قوووى لما بنكون احنا اللى عايزينه يبقى جوانا معانا فى كل مكان

محمد فؤاد (صاحب عمود النور) يقول...

norahaty...

اللهم امين
يارب يبعدنا عن الحزن والهم والغم يارب
ميرسى ليكى

Unknown يقول...

raheeba dy ma mohamed
wade7 ennak mezaker salah gaheen kowayes

محمد فؤاد (صاحب عمود النور) يقول...

مى...
ميرسى يا مى ولا رهيبة ولا حاجه
الفكرة واللهى مش انى مذاكر جاهين او لا بصى هى طريقة كتابة زى رباعيات الخيام لو قرتيها هتلاقيها رباعيت برضه بس بالفصحى وفكرة الرباعية ان اول وتانى واخر سطر نفس الوزن ماعدا السطر الاوسط ورباعية لانها بتتكون من 4 شطور المهم هنا الفكرة ازاى تكتب فكرة فى اربع سطور تبدا من السطر الاول وفى السطر الاخير تكون كتبت النهاية وتكون مفهومة ..