الأحد، 6 ديسمبر 2009

مش عارف - 2


ترددت كثيرا فى اختيارات عديدة يحتم على ان اختارها وهى التى تحدد مصير حياتى.. ولاننا ولدنا كاجيل او كاشباب اراد كلا من الوالدين ان يجعلونا كاعرائس الماريونت فى ايديهم فقد خلقنا ومن الصعب تحديد مصيرنا ولكن يبدو انها لعنه قد اصابة كلا من حولى فاصبحت كالفيرس الذي ينهش داخل عقل هذا الجيل.

مثلما رأيت حالات فشل كثيرة رأيت حالات نجاح كثيرة, ذلك الشاب الذى استطاع بعد التخرج ان يتزوج الفتاة الذى احبها فى الجامعة كان يجمعهما سور الجامعة على مدار الاربعة سنوات وعدته انها ستظل فى انتظارة مهما طال الزمن بعد التخرج زف اليها البشرى الاولى فقد اعفى من التجنيد العسكرى,طلب منها ان يتقدم لها ولكنها لم تطاوعة فى الفكرة لنه مازال بدون عمل اجتهد كثيرا فى محاولة البحث عن عمل حتى وفقة الله سبحانة وتعالى ورزقة بعمل جيد وبراتب معقول كانت هذه البشرى الثانية وجاء صوتها عبر الهاتف سعيد جدااا.

انتظر شهرين حتى تقدم لخطبتها ووافق اهل كلا من الطرفين وخصوصا ان امها كانت تعلم انها تحب زميلها بالجامعة فكانت محاولة الاقناع سهلة جدا بالنسبة لوالدها.

بدا فى رحلة البحث عن شقة ثم تجيزها ثم اختيار الاثاث المناسب لها .

كلما قابلت صديقى أجده سعيدا أجلس معه على القهوة يتحدث عن احلامه مع خطيبتة كان وجهة بشوشا.

مر سنة ونص تقريبا على خطبته تلقيت منه هاتفا يدعونى لحفل عقد قرانه بمشيخة الازهر كان حديثة يدعونى للتفاؤل عندما ارى قصة حب نشأة داخل الحرم الجامعى و امام عينى تتغلف بأقوى رباط مقدس على الارض وردتين يربطهما رباط يزين لهم الحياة ويجعلها جميلة امامهم فقد حقق صديقى حلمه الاول.

قابلته بعد مايقرب من عام ونصف وقد انجب طفلا ولم اعد ارى فى عينه ذلك البريق الذى من ذى قبل وعند سؤالى عن سبب هذا قالى لى (المسؤلية وكل شوية هات هات مافيش مرة خد) قلت له (امال احلامك وطموحاتك) رد قائلا فى امتعاض ( أحلام مين يا عم ماخلاص مع اول عيل مابتعرفش تحلم عشان مابتعرفش تنام) سألته( وحياتك الزوجية) قال لى وهو يضحك ساخرا(أهو واجب بيتقضى لما ببقى فاضى)

لمـــــــــــــــــــــــــــاذا؟؟؟؟؟!!

سألت نفسى هل فرض علينا الواقع ان نكون كذلك ؟

هل اصبحت جميع احلامنا مؤجلة لحين اشعار اخر؟

هل اصبح الزواج أو الارتباط بداية النهاية لاى شخص؟

هل أصبح المتزوجين قاب قوسين او ادنى من الانفصال الروحى؟

هل اصبحت العلاقة الزوجية مجرد واجب ؟؟؟!!!!!!!!!!!

مهم تكن الاجابة مازال بداخلى قوة حقيقية تدفعنى للجديد ..انا اعرف جيدا ان الحياة ليست وردية كما يظن البعض ولكن لابد ان اكون متفائلا.

سالت صديقى عندما قابلته بالمصادفة (انت لسه بتحب مراتك؟) جائتنى الاجابة فى مرارة وقد مط شفتية لللامام (مش عارف)







هناك 10 تعليقات:

الشعب لابد له من حكومه تشكمه يقول...

شوف التدقيق اللغوى ده لما بجى اسيب كومنت عندك واجى ابعته يطلع مربع فيه حروب انجلش ولازم ادخلها علشان الكومنت يتبعت ..بس هتلاقى التدقيق اللغوى ده..
عموما هتدخل على اعدادت وتختار تعليقات وتختار انك متعملش تحقيق من التعليق...
هتلاقيه 3 واحد من اخر الصفحه اختار لا..بسسسسسسسسس ادى الحكايه لكن كلامك واضح جدااا ومش محتاج اى تعليق عليه:)

الشعب لابد له من حكومه تشكمه يقول...

ربنا يسامحك:(
النص الاول ابتسمت وقلت اخيرا لقيت اتنين بيحبوا بعض واتجوزوا ولسه بيحبوا بعض ومفيش حاجه اتغيرت..
جيت انت بالنص التانى اثبتلى انى واهمه وان فعلاااااا مفيييييييييييييييييش فااايده..

بس من وجهة نظرى الطرفين بيكونوا غلطانين هى بمجرد مبتتجوز بتحسس ان كده خلاص عملت اللى عاوزاه والحياه وقفت على كده,زى ميكون فعلا نهايه الحب عند الزواج.

وهو غلطان لانه مش بيعاملها زى الاول مش بيحاول يحتويها,يدلعها زى فترة الحب والخطوبه,مش بيحاول يكسر روتين حياته,والويك اند يبعدوا فيه عن اى نكد وشغل ويقضوه سوى زى زمان..

للاسف المسؤليه تقع على الطرفين.

محمد فؤاد (صاحب عمود النور) يقول...

شيما بنت بلدى المنصورة تحية طيبة وبعد...
يابنتى واللهى فى فايده وفى امل وانا كاتب كدا فى اخر البوست ..عايز اقول حاجهلية دايما نزعل من الواقع؟؟ مهو دا حقيقى وموجود وانتى نفسك حللتى اسباب العلاقة انها توصل لكدا وقولت فى البوست الاول ان احنا ماتربناش على اننا نتحاور مع الطرف الاخر فى اسباب المشكلة بنتقمص ونستنى اللى يصالحنا الحالة وصلت لكدا بسبب انه كان معتقد انها هتفضل فتيتت اللى حبها فى الجامعة وهو هيفضل الفتى الجان اللى حبته فى الجامعه ونسيوا هما الاتنين متغيرات البيئة والمجتمع والمتغيرات النفسية

غير معرف يقول...

اتعرف سبب الحاله المسيطرة على كل من فى حاله صديقك
اننا نحلم بكل كيانناومن اعماق قلبنا ولكننا بعد ان يتحقق المراد من رب العباد نحيا بالقشور السطحية فقط للعلاقه الزوجية

محمد فؤاد (صاحب عمود النور) يقول...

صديقى غير معروف...
فعلا دا اللى بيحصل ودا الواقع ودا اللى بحاول اسلط علية عمود النور عشان نشوفه كويس.. ياريت نبدا بنفسينا ونحاول جاهدين اننا نصلح اللى شايفينه خطأ فى علاقتنا الشخصية

غير معرف يقول...

والله اسلوبك حلو يا محمد بس سيبك من الناس اللى خدت على دماغها فى الجواز . دول معقدين انا اتجوزت وعايش حياتى بعد الجواز اسعد 100 مرة من ايام العزوبيه وعقبالك يا مان

محمد فؤاد (صاحب عمود النور) يقول...

صديقى غير معروف(عمرو) ...
نورت المدونة يا كبير .. انا عارف ان فى ناس معقدين شايقين الجواز حاجة مش كويسة وانه هم وحاجات من دى
ويارب ياباشا يدمها عليك سعاده وتفضل كدا ديما

اطمنى يا شيما فى نماذج كويسه وناجحة الحمد لله

Unknown يقول...

محمد بجد كل مره بتفاجئنى اكتر.....يا فنااااااان

على قد ما ده هو حال الكل على قد ما بدعى ربنا مانكونش النوع ده من الازواج و الزوجات برغم ان ده دلوقتى بفى واقع مفروض

محمد فؤاد (صاحب عمود النور) يقول...

هبة..
بصى احنا اللى بنحط نفسنا جوا الدايرة دى لما بنستسلم للروتين ولما نفضل واقفين للواحده لبعض ولما مانعرفش اصلا نحب بجد لما نفتقد لغة الحوار ولما يبقى الجواز مجرد جواز عادى مش طموح ومستقبل واهم حاجه لما مانتقيش الله فى اعملنا وفى تصرفتنا
بسم الله الحمن الرحيم(ومن يتقى الله يجعل له مخرجا)

لــــ زهــــــراء ــــولا يقول...

محمد
-*-*
انت عارف ان قصة صديقك شاهدت بعيونى عدة مرات قصص مثل هذه لكن ممكن بقى تضيف لكده ان الشاب ممكن يطلع عيون اهله لغاية ما يتجوز
ويبقى فرحان اوى انه اتجوز البنت اللى بيحبها وبعد شهر او اتنين تلاقى ان كل المشاعر هربت وجريت بعيد
نفسى افهم ايه السبب فى كده
ياترى الحب بيموت بعد الزواج او ايه اللى بيحصل نفسى حد يدلنى على الطريق الصحيح علشان الزواج يفضل ناجح
انت عارف المشكله فى ايه يا محمد ان الزوجه عادة مش بتقدر تعبر عن مشاعرها مش اقصد الزواج فقط لكن اى بنت صعب انك تلاقى بنت تعرف تعبر عن نفسها وتقول كل اللى جواها
بس برضه ارجع واقول ياترى الحب بيروح فين نفسى حد يرد عليا

فنان يا محمد
ربنا يوفقك يااااااااااااارب

زهراء