الخميس، 2 يونيو 2011

الصوت


الصوت انا سامعة بعيد

الصوت بيقرب منى

انا حاسه مش غريب

وواثق هايغيرنى

الصوت تاثيرة قوى

الصوت دا هيزلزلنى

انا خايف منه قوى

انا حاسه هايبعدنى

ناوى على ايه ياصوت؟

هتخرجنى من السكوت؟

ولا ناوى تودعنى

ساعات بفرح بقربك

وساعات بتتعبنى

ثوانى......

تركيزى معاه بيزيد

ايوه خلاص عرفتك

هاجيلك بالتاكيد

الصوت دا صوتى انا

وناويلى ع التجديد

هناك 8 تعليقات:

زهــــراء يقول...

محمد

هو ده بوست بجد ؟؟؟
او خداع بصرى

يمكن سراااااااااااااب !!!

والله فرحانه انى لاقيت لك بوست جديد طبعا مش قادره اقرا اى حاجه الصبح وعليك خير ان شاء الله نقرا ونعلق بالتفصيل

بلاش تغيب عن المدونه لانى كتاباتك بتوحشنا يا فنان

يوووووووووووه حتى نسيت اغير الحساب يلا بقى اقرا الصبح على خير ان شاء الله

sony2000 يقول...

ياعييييينييييييييي

طب ماتنشرها علي جوب المدونين علفيس بوك

لو كدا
هاتها انشرها دا بعد اذنك
لو عجبتك الفكره قولي علي مدونتي

وبجد ياريت:)

محمد فؤاد (صاحب عمود النور) يقول...

زهراء..

لا دا بجد مش خداع بصرى ههههههههههه عليكى حبه تعليقات تحفه ههههههههه

هستنى تحليلك الفنى اوك؟؟؟

محمد فؤاد (صاحب عمود النور) يقول...

Sony 2000
ازيك ؟؟
ميرسى جداااا لاهتمامك بس انا ماعرفش ايه الجروب دا ممكن تبعتيلى اللينك

ومرسى تانى مرة لاهتمامك (((:

لــــ زهــــــراء ــــولا يقول...

محمد
-*-*-*

نبدا ونقول بسم الله ..

قرات البوست فى ثوانى معدوده لكنه ترك اثر كبير فى نفسى حتى انى قراته اكتر من مره كلمات بسيطه سهله تحمل عبق خاص تحمل معانى عميقه واشعر كانها رساله ليس منك لنفسك فقط ولكنها رساله الى كل من يقرا ويتهم لكى يسمع صوت عقله .. صوت ضميره ... صوت قلبه ... اى صوت داخلى .. مش مهم الصورت يكون خارجى عشان نسمع بالاذنين لكن الاهم اننا نفهم ما وراء هذا الصوت ...

الصوره اختيارك لها موفق يمكن اللون الابيض والاسود انها كانت حاجه قديمه تدل على حدث بعيد شويه ويمكن ده يدل على ان الصوت كان جواك من زمان بس للاسف لم تعيره اى اهتمام ويمكن ويمكن ولكن يبقى اختيارك للصوره ولا اروع من كده ...

طبعا فى عدة جمل توقفت امامها
" انا حاسه مش غريب "

المفروض كنت بتقول على الصوت انا سامعه لكن اختيارك لكلمة حاسه اعطى له وضع خاص وكأنه صوت موجه لك فقط يجوز يسمعه الاخرين لكن انت فقط من يحس به اختيار موفق ...

جمله اخرى لفتت نظرى
" هاجيلك بالتاكيد "
الجمله سريعه تدل على رغبه ان تذهب الى الصوت رغم انك مش عارف هو بعيد او بدا فى القرب كله يعتمد على الاحساس واختيارك لكلمة ثوانى تعتبر وقفه سريعه مع نفسك وكمان انت اخترت تروح له بيدل على ان الرغبه كانت جواك ان تذهب له وتتغير بالفعل لكن كنت فى انتظار الدافع لذلك ...

ختام البوست وانك عرفت انه صوتك انت رغم خوفك منه فى لحظات واحاسيسك المختلفه به لكن عرفت فى النهايه الهدف من ذلك الصوت هو ناوى لك على التجديد وان شاء الله يكون تجديد للافضل ...

طبعا مش محتاجه اقول على اختياراتك انها روعه وجميله وبسيطه لكنها عميقه اكيد انت عارف رايى فى كتابتك يا محمد
عن جد تستحق لقب فنان بس بلاش تبعد عن الساحه الفينه ^_^ يووووه اقصد الساحه البلوجريه لان كتابتك لها وضع خاص ....

على فكره عجبنى اوى انك بتقول على تعليقاتى تحفه وبينى وبينك يعنى هى تعليقاتى بس اللى تحفه ههههههههههه

ربنا يوفقك والى مزيد من التالق
واتمنى ان يكون التجديد الذى سوف يمنحه لك ذكل الصوت تجديد للافضل على الدوام

كل التقدير لاخ وصديق قدير


زهـــــراء

مونتي بوكيه ورد يقول...

يارب تكون بخير فاكر اخر مره سمعت فيها صوتك وكانت اول مره اشوفك في لقاء المدونين في المنصورة و كنا في المركب سوا و قولتلك يومها ان بشبه عليك و قولتلي ان دي كيما بتتواجد في ال بيحس بانه مرتاح لحد و كانه عارفه من زمان
بتمني تكون بخير و اسعدني متابعة جديدك

Wohnungsräumung يقول...

Le succès .. J'espère que le nouvel écran est toujours

Räumung wien يقول...


مدونة مميزة
كل تقديرى واحترامى لكم ... :)